முட்டை விலை 45 பைசா குறைஞ்சிருச்சு… ஆம்லேட் விலை குறையுமா?

நாமக்கல்: ரம்ஜான் நோன்பு காலத்தை முன்னிட்டு நாமக்கல் மண்டலத்தில் ஒரு முட்டை 45 காசுகள் குறைந்து 3ரூபாய் 60 காசுகளாக விற்பனை செய்யப்படுகிறது. ஒரே நாளில் 45 பைசா முட்டை விலை குறைந்துள்ளதால் நுகர்வோர்கள் மகிழ்ச்சியடைந்துள்ளனர்.

முட்டை உற்பத்தி குறைந்த காரணத்தால் சமீப காலமாக நாமக்கல் மண்டலத்தில் முட்டை கொள்முதல் விலை உயர்ந்து கொண்டே வந்தது. கடந்த 15 தினங்களுக்கு முன்னர் 4 ரூபாய் 5 காசுகளாக இருந்த முட்டை கொள்முதல் விலை நிர்ணயம் செய்யப்பட்டது.

சில்லறை விலையில் ஒரு முட்டை 5 ரூபாயாக விற்பனை செய்யப்பட்டது. இந்த நிலையில் இன்று ஒரே நாளில் 45 பைசா குறைந்து 3 ரூபாய் 60 காசுகளாக கொள்முதல் விலை நிர்ணயம் செய்யப்பட்டது.

நாமக்கல்லில் நடந்த தேசிய முட்டை ஒருங்கிணைப்பு குழு கூட்டத்தில் இதற்கான விலை இன்று நிர்ணயிக்கப்பட்டது. இதன் காரணமாக சில்லறை விற்பனை கடைகளில் 5 ரூபாய் வரை விற்கப்பட்ட முட்டையின் விலை குறைவதற்கான வாய்ப்பு உருவாகி உள்ளது.

ரம்ஜான் நோன்பு மற்றும் கேரளாவில் முட்டை நுகர்வு குறைந்துள்ளதால் இந்த விலை சரிவு ஏற்பட்டுள்ளதாக முட்டை பண்ணையாளர் ஒருவர் தெரிவித்துள்ளார்.

முட்டை விலை குறைந்துள்ளதை அடுத்து ஹோட்டல்களில் ஆம்லேட்டுகளின் விலையை உயர்த்தியவர்கள் விலையை குறைக்க நடவடிக்கை எடுக்க வேண்டும் என்பது திருவாளர் பொதுஜனத்தில் கோரிக்கையாகும்.

English summary

The National Egg Coordination Committee (NECC), Namakkal Zone, has slashed the egg price by 35p on Wednesday.The cost of an egg has come down to Rs 2.60 from Rs 4.05 after 20 days.