மூத்தவர் இருக்க இளையவருக்கு பட்டாபிஷேகமா.. ஸ்டாலினை வாரிய தம்பிதுரை!
திமுக தலைவராக ஸ்டாலின் பதவியேற்றது குறித்து அதிமுக எம்பி தம்பிதுரை கருத்து தெரிவித்துள்ளார்.
சென்னை: திமுக தலைவராக ஸ்டாலின் பதவியேற்றது குறித்து அதிமுக எம்பி தம்பிதுரை கருத்து தெரிவித்துள்ளார்.
திமுக தலைவர் கருணாநிதி காலமானதையடுத்து அந்த பதவி காலியானது. இதைத்தொடர்ந்து கடந்த 26 ஆம் தேதி திமுக தலைவர் பதவிக்கான வேட்பு மனுத்தாக்கல் நடைபெற்றது.
இதில் ஸ்டாலினை எதிர்த்து யாரும் வேட்பு மனுத்தாக்கல் செய்யாததால், நேற்று முன்தினம் நடைபெற்ற பொதுக்குழு கூட்டத்தில் ஒரு மனதாக திமுக தலைவராக தேர்வு செய்யப்பட்டார் ஸ்டாலின்.
இந்நிலையில் திமுக தலைவராக ஸ்டாலின் பதவியேற்றது குறித்து அதிமுக எம்பியும் மக்களவை துணை சபாநாயகருமான தம்பிதுரை கருத்து தெரிவித்துள்ளார். அதாவது மூத்தவர் இருக்க இளையவருக்கு பட்டாபிஷேகம் நடைபெற்றுள்ளது என கூறியுள்ளார்.
மேலும் திறமையின் அடிப்படையில் இல்லாமல், கருணாநிதியின் மகன் என்ற முறையில் ஸ்டாலினுக்கு தலைவர் பதவி வழங்கப்பட்டிருப்பதாவும் தம்பிதுரை விமர்சித்துள்ளார்.
Click it and Unblock the Notifications
Sign in with Google