தேர்தல் ஆணைய விழிப்புணர்வு விளம்பரத்தில் ”அமெரிக்க டாலர்” படம்

Published: Monday, March 31, 2014, 17:38 [IST]

Subscribe to Oneindia Tamil

சென்னை: தேர்தல் ஆணையம் சார்பில் வாக்காளர் விழிப்புணர்வு சுவரொட்டிகள் மாநிலத்தின் பல்வேறு இடங்களில் ஒட்டப்பட்டுள்ளன.ஆனால், அவற்றில் குறிப்பிடப்பட்டுள்ள படங்கள்தான் தற்போது ஆச்சரியத்தை உண்டாக்கியுள்ளன.

தூத்துக்குடி மாவட்டம், எட்டயபுரம் பகுதியில் அதுபோன்று ஒட்டப்பட்டுள்ள சுவரொட்டியில் "விலை மதிப்பில்லா உங்கள் வாக்கை பணத்திற்கா விற்பது? உங்கள் வாக்கினை சரியாகப் பயன்படுத்துவீர்" என குறிப்பிடப்பட்டுள்ளது.

அத்துடன் "பணம் வாங்காதீர்கள்" என்று அறிவுறுத்துவதற்காக அமெரிக்க டாலர் படம் இடம்பெற்றுள்ளது. இதுதான் தற்போது சர்ச்சையை கிளப்பி உள்ளது.

"ஓட்டுக்கு பணம் வாங்குவது தவறு" என்று சொல்லும் தேர்தல் ஆணையம், இந்திய ரூபாயைக் குறிப்பிடாமல் தன்னுடைய விளம்பரத்தில் அமெரிக்க டாலரை குறிப்பிட்டிருப்பது மக்களிடையே கடும் வியப்பை ஏற்படுத்தியுள்ளது.

Published On March 31, 2014