திடீரென செயலிழந்த தேர்தல் ஆணைய 'வெப்சைட்'– ஹேக்கர்ஸ் அட்டாக்?

சென்னை: லோக்சபா தேர்தலில் தமிழகத்தில் நடைபெற்ற வாக்குப்பதிவு நிலவரங்களை உடனுக்குடன் அறிந்து கொள்ள உதவியாக இருந்த தமிழ்நாடு தேர்தல் ஆணைய இணையதளம் திடீரென முற்றிலுமாக செயலிழந்தது.

இந்த இணையதளத்தை சமூக விரோதிகள் யாராவது முடக்கி விட்டனரா என்ற கேள்விக்கு பதில் அளித்த தமிழ்நாடு தேர்தல் ஆணையர் பிரவீன் குமார், "அப்படி எல்லாம் ஏதும் இல்லை. இது ஹார்ட்வேரில் ஏற்பட்ட சிறிய தொழில்நுட்பக் கோளாறுதான்.

அந்த தளத்தில் இருந்த தகவல்களை வேறொரு தளத்தில் பாதுகாத்து வைத்துள்ளோம். இதனால், எவ்வித தகவல் இழப்பும் ஏற்படவில்லை. எனவே, இது சமூக விரோதிகளின் தாக்குதல் என்ற புரளிகளை நம்ப வேண்டாம்" என்றார்.

English summary

Election commission website got some sudden error yesterday. Election commissioner says that it is just a “Hardware” technical fault, not any attack by terrorists.