கருணாநிதி வழியில் நம்மை தளபதி வழி நடத்துவார்: கி. வீரமணி

சென்னை: 91 வயதிலும் 19 வயது வாலிபரை போல செயல்படும் திமுக தலைவர் கருணாநிதியை பார்த்து எதிரிகள் மிரண்டு போயுள்ளனர் என்று தி.க. தலைவர் கி. வீரமணி தெரிவித்துள்ளார்.

திமுக தலைவர் கருணாநிதியின் பிறந்தநாளையொட்டி சென்னை தண்டையார்பேட்டையில் கம்ப்யூட்டர் பயிற்சி வகுப்பை தி.க. தலைவர் கி. வீரமணி துவக்கி வைத்தார்.

அப்போது அவர் பேசுகையில்,

சிறு வயதிலேயே சமூக பணியை துவங்கிய கருணாநிதி 91 வயதாகியும் ஓய்வின்றி உழைத்துக் கொண்டிருக்கிறார். எந்த சூழலிலும் இயக்கத்தை தொய்வின்றி துவண்டு போகாமல் வழி நடத்துகிறார். இந்த இயக்கம் வாளை விட கூர்மையானது, வலிமையானது.

வெற்றி தோல்வி வரும் போகும். அதை பற்றி எல்லாம் எங்களுக்கு கவலை இல்லை. ஆட்சியில் இருந்தாலும் சரி, இல்லாவிட்டாலும் சரி மக்களுக்காக பாடுபடும் இயக்கம் இது.

கருணாநிதி இந்த 91 வயதிலும் 19 வயது வாலிபரை போன்று செயல்படுகிறார். அவரை பார்த்து எதிரிகள் மிரண்டு போயுள்ளனர். அவர் பார்க்காத வெற்றி, தோல்வி இல்லை. தோல்வியை வெற்றிக்கு வரமாக்கும் வல்லமை படைத்தவர் கருணாநிதி. அவரது வழியில் நம்மை வழிநடத்த தளபதி இருக்கிறார் என்றார்.

English summary

DK chief K. Veeramani told that enemies are scared of DMK supremo Karunanidhi.