மருத்துவமனையிலிருந்து வீடு திரும்பினார் ஈவிகேஎஸ் இளங்கோவன்

Updated: Friday, March 18, 2016, 18:30 [IST]

Subscribe to Oneindia Tamil

சென்னை: தமிழக காங்கிரஸ் தலைவர் ஈவிகேஎஸ் இளங்கோவன் மருத்துவ சிகிச்சை முடிந்து இன்று வீடு திரும்பினார்.

நெஞ்சு சளி காரணமாக கடந்த 3 நாட்களாக சென்னையில் உள்ள தனியார் மருத்துவமனையில் இளங்கோவன் அனுமதிக்கப்பட்டிருந்தார். அவருக்கு தீவிர சிகிச்சை அளித்த பின்னர் குணமடைந்தார். இதையடுத்து இன்று அவர் டிஸ்சார்ஜ் செய்யப்பட்டார்.

நாளை முதல் அவர் வழக்கமான பணிகளைக் கவனிப்பார் என்றும் திருச்சியில் நடைபெறவுள்ள தி.க. மாநாட்டில் இளங்கோவன் கலந்து கொள்வார் என்று காங்கிரஸ் தரப்பில் கூறப்பட்டுள்ளது.