4-5 பெண்களுக்கு தேர்தலில் சீட்.. இளங்கோவன் தகவல்.. அதில் ஒருவர் குஷ்புவா?

Published: Sunday, April 17, 2016, 17:51 [IST]

Subscribe to Oneindia Tamil

தமிழக சட்டசபைத் தேர்தலில் தான் போட்டியிடப் போவதில்லை என தமிழ்நாடு காங்கிரஸ் கமிட்டித் தலைவர் ஈவிகேஎஸ் இளங்கோவன் தெரிவித்துள்ளார்.

தமிழக சட்டசபைத் தேர்தலையொட்டி திமுகவுடன் காங்கிரஸ் கூட்டணி அமைத்துள்ளது. திமுக ஏற்கனவே தேர்தல் அறிக்கையையும், வேட்பாளர் பட்டியலையும் வெளியிட்டுவிட்டது.

இந்நிலையில், காங்கிரஸ் கட்சி சார்பில் தேர்தலில் போட்டியிடும் வேட்பாளர் பட்டியல் நாளை அல்லது நாளை மறுநாள் வெளியிடப்படும் என தமிழக காங்கிரஸ் கமிட்டித் தலைவர் இளங்கோவன் தெரிவித்துள்ளார்.

பெண்களுக்கு சீட்டு...

இது தொடர்பாக அவர் செய்தியாளர்கள் மத்தியில் கூறுகையில், "நாளை அல்லது நாளை மறுநாள் காங்கிரஸ் கட்சி வேட்பாளர் பட்டியல் வெளியிடப்படும். வேட்பாளர் பட்டியலில் 4-5 பெண்கள், 7-8 இளைஞர்களுக்கு வாய்ப்பு வழங்கப்படும்.

பாகுபாடு இல்லை...

தொகுதிகள் ஒதுக்கப்படுவதில் எந்த பாகுபாடும் காட்டப்படவில்லை. வேட்பாளர் பட்டியலை தேர்வு குழுவே தயார் செய்தது.

ஜோதிமணி விவகாரம்...

தி.மு.க., காங்கிரஸ் கட்சிக்கு எதிராக செயல்பட்டால் ஜோதிமணி நீக்கப்படுவார். 4-5 நாட்கள் தமிழகத்தில் ராகுல் பிரசாரம் செய்வார். சட்டசபை தேர்தலில் நான் போட்டியிட மாட்டேன்" என இவ்வாறு அவர் தெரிவித்தார்.