வாங்க, வாங்க எங்க கூட்டணிக்கு வாங்க: விஜயகாந்தை மீண்டும் அழைக்கும் இளங்கோவன்
சென்னை: திமுக-காங்கிரஸ் கூட்டணிக்கு வருமாறு தேமுதிக தலைவர் விஜயகாந்தை மீண்டும் அழைப்பதாக தமிழக காங்கிரஸ் கமிட்டி தலைவர் ஈ.வி.கே.எஸ். இளங்கோவன் தெரிவித்துள்ளார்.
சட்டசபை தேர்தலில் தமிழக காங்கிரஸ் கட்சி திமுகவுடன் கூட்டணி வைத்து போட்டியிடுகிறது. இந்த கூட்டணிக்கு வருமாறு தேமுதிக தலைவர் விஜயகாந்திற்கு காங்கிரஸ் தலைவர் ஈ.வி.கே.எஸ். இளங்கோவன் அழைப்பு விடுத்தும் அவர் இதுவரை பதில் அளிக்கவில்லை.
இந்நிலையில் விஜயகாந்த் நிச்சயம் தங்கள் கூட்டணிக்கு வருவார் என்று இளங்கோவன் அடிக்கடி தெரிவித்து வருகிறார். இது குறித்து அவர் செய்தியாளர்களிடம் கூறுகையில்,
மத்திய அமைச்சர் பிரகாஷ் ஜவடேகர் விஜயகாந்தை சந்தித்து தங்களுடன் கூட்டணி வைக்குமாறு கூறியிருக்கலாம். மொத்தம் உள்ள 160 கட்சிகளையும் ஜவடேகர் சந்தித்து ஆதரவு கோரலாம்.
திமுக-காங்கிரஸ் கூட்டணிக்கு வருமாறு விஜயகாந்தை ஏற்கனவே அழைத்தோம். தற்போது மீண்டும் அழைப்பு விடுகிறோம். அவர் எங்கள் கூட்டணிக்கு வருவார் என நம்புகிறோம். திமுக-காங்கிரஸ் இடையே தொகுதி பங்கீடு நடக்கும் வேளையில் நடக்கும் என்றார்.
Click it and Unblock the Notifications
Sign in with Google