நாஞ்சில் சம்பத் பொதுக்கூட்ட மேடையில் பலத்த வெடிச்சத்தம்... வெடிகுண்டா.?

மதுரை: மதுரையில் அதிமுக மேடைப் பேச்சாளர் நாஞ்சில் சம்பத் பேசவிருந்த பொதுக்கூட்ட மேடையில் பலத்த வெடிச்சத்தம் கேட்டது. வெடித்தது வெடிகுண்டா அல்லது வேறு ஏதேனுமா என்று போலீஸார் விசாரணை நடத்தி வருகின்றனர்.

நேற்று இரவு மதுரை நடனா நாட்டியா நர்த்தனா தியேட்டர் வளாகம் அருகே நாஞ்சில் சம்பத் பங்கேற்கும் அதிமுக பொதுக்கூட்டம் நடைபெறுவதாக இருந்தது. இதற்கான ஏற்பாடுகள் செய்யப்பட்டிருந்தன. பெரிய மேடையும் போடப்பட்டிருந்தது.

இந்த நிலையில் நேற்று மாலை 6 மணியளவில் திடீரென மேடையில் பயங்கர வெடிச்சத்தம் கேட்டது. அதிர்ஷ்டவசமாக யாரும் மேடையில் இல்லாததால் பெரிய ஆபத்து ஏற்படவில்லை. மேடை முழுமையாக சேதமடைந்தது.

வெடித்தது என்ன என்பது குறித்து போலீஸ் தரப்பில் வெளிப்படையாக சொல்லப்படவில்லை. வெடிகுண்டா அல்லது வேறு ஏதேனுமா என்பது குறித்து விசாரணை நடந்து வருவதாக தெரிவிக்கப்பட்டுள்ளது.

English summary

A loud explosion was reported in Nanjil Sampath meeting in Madurai. But no one was injured in the blast.