கள்ள ஓட்டு பற்றி பேசிய கமலுக்கு கள்ள ட்வீட் போட்ட நெட்டிசன்கள்

சென்னை: கமல் ஹாஸன் கள்ள ஓட்டு பற்றி பேசியுள்ள நிலையில் நெட்டிசன்கள் கள்ள ட்வீட் போட்டுள்ளது பரபரப்பை ஏற்படுத்தியுள்ளது.

உலக நாயகன் கமல் ஹாஸன் கடந்த நாடாளுமன்ற தேர்தலின்போது வாக்களிக்க சென்ற இடத்தில் அவர் வாக்கை யாரோ கள்ள வாக்காக போட்டது தெரிய வந்து அதிர்ச்சி அடைந்தார். இந்நிலையில் வரும் சட்டசபை தேர்தலில் வாக்களிக்கலாம் என்று இருந்த அவருக்கு மேலும் ஒரு அதிர்ச்சி ஏற்பட்டது.

வாக்காளர் பட்டியலில் அவர் பெயர் இல்லை என்று தெரிவிக்கப்பட்டதாக கமல் செய்தியாளர்களிடம் தெரிவித்துள்ளார். இந்நிலையில் கமல் ஹாஸனின் பெயர் வாக்காளர் பட்டியலில் இருப்பது போன்ற ட்வீட்டை தமிழக தலைமை தேர்தல் அதிகாரி ட்விட்டரில் வெளியிட்டது போன்று ஒரு ட்வீட் தீயாக பரவியுள்ளது.

அந்த ட்வீட்டில், தலைமை தேர்தல் அதிகாரி வாக்காளர் பட்டியலில் கமலின் பெயர் இருப்பதை புகைப்படத்துடன் குறிப்பிட்டு அவரை வாக்களிக்குமாறு கேட்டுக் கொண்டுள்ளார். இதையடுத்து தமிழக தலைமை தேர்தல் அதிகாரியின் அதிகாரப்பூர்வ ட்விட்டர் மற்றும் ஃபேஸ்புக் பக்கத்திற்கு சென்று பார்த்தால் அப்படி எதுவுமே இல்லை.

கள்ள ஓட்டு பற்றி பேசிய கமலுக்கு பதில் அளிக்க கள்ள ட்வீட் போட்டு நெட்டிசன்கள் சேட்டை செய்துள்ளனர்.

English summary

Fake tweet of TN CEO asking Kamal Haasan to vote by showing his name in the voters list is doing rounds on twitter.