இன்னாபா இது... "மொட்டை" ராஜேந்திரன் பெயரில் "டுபாக்கூர்" டிவிட்டர்!
சென்னை: மொட்டை ராஜேந்திரன் பலருக்கு கிலி ஏற்படுத்தி்த்தான் வழக்கம். தற்போது அவரை வைத்து ஒரு குரூப் காமெடி செய்து வருகிறது. அவரது பெயரில் டிவிட்டர் பக்கம் தொடங்கி சிலர் தேவையில்லாத வேலைகளைச் செய்து வருகின்றனராம்.
கொடூர வில்லனாக நான் கடவுள் படத்தில் பாலாவால் அடையாளம் காட்டப்பட்டவர் ராஜேந்திரன். செம மொட்டையாக இருப்பதால் இவருக்கு மொட்டை ராஜேந்திரன் என்ற கெட்டப் பெயரும் உண்டு.
அதிரடி வில்லனாக வலம் வந்த ராஜேந்திரன் ஒரு நல்ல நாள் பார்த்து காமெடி வில்லன் ஆனார். பின்னர் முழு நேர காமெடியனாகி விட்டார். ஏகப்பட் படங்களில் நடித்து வரும் ராஜேந்திரன் விஜய், அஜீத்துடனும் இணைந்து நடித்து அதகளப்படுத்தி விட்டார்.
அவரது பெயரில் பேஸ்புக்கில் ஒரு பக்கம் உள்ளது. ஆனால் டிவிட்டரில் அவர் இல்லை. இந்த நிலையில் யாரோ ஒரு பிரகஸ்பதி @Rajendran_offl என்ற பெயரில் கணக்குத் தொடங்கி விட்டார். இதனால் மொட்டை ராஜேந்திரன் தரப்பு அதிர்ச்சியானது.
அந்த டிவிட்டர் கணக்கிலிருந்து தேவையில்லாமல் பல சர்ச்சைக்குரிய கருத்துக்களைப் பதிவிட்டு வந்துள்ளன். இதையடுத்து இன்று ராஜேந்திரன் சென்னை போலீஸ் கமிஷனர் அலுவலகத்தில் புகார் ஒன்றைக் கொடுத்தார். உரிய நடவடிக்கை எடுப்பதாக அவருக்கு சைபர் கிரைம் அதிகாரிகள் உறுதியளித்தனர்.
தற்போது அந்த டிவிட்டர் கணக்கைக் காணவில்லை. தொடங்கியவர்களே முடக்கி விட்டார்களா அல்லது போலீஸ் முடக்கியதா என்று தெரியவில்லை.
மொட்டை ராஜேந்திரன் வாழ்க்கையில் குட்டையைக் குழப்பி இன்பம் காணத் துடிப்பது யாரா இருக்கும்??
Click it and Unblock the Notifications
Sign in with Google