என்ட்ரி காட்சியிலேயே க்ளீன் போல்ட்... நோ பால்னு சொல்ல சொல்லி போங்கு ஆட்டம் ஆடும் 'காலா'

காலாவில் ரஜினி க்ளீன் போல்ட் ஆகும் காட்சிகளை ரசிக்க முடியவில்லை என்கின்றனர் ரசிகர்கள்.

சென்னை: காலா திரைப்படத்தில் ரஜினிகாந்த் என்ட்ரி காட்சிகள் சமூக வலைதளங்களில் ஷேர் செய்யப்பட்டு வருகின்றன. அந்த என்ட்ரி காட்சியிலே க்ளீன் போல்டு ஆவதை தங்களால் ரசிக்க முடியவில்லை என்கின்றனர் ரசிகர்களில் ஒருதரப்பினர்.

அரசியல் பிரவேசத்தை ரஜினிகாந்த் அறிவித்த பின்பு வெளியாகி உள்ளது காலா திரைப்படம். இத்திரைப்படத்தில் மத்திய அரசை கடுமையாக விமர்சிக்கும் வசனங்கள் இடம்பெற்றுள்ளன.

இப்படத்தின் என்ட்ரி காட்சிகள் சமூக வலைதளங்களில் வெளியிடப்பட்டு வருகின்றன. அதில் கிரிக்கெட் விளையாடும் ரஜினிகாந்த், சிறுவர்களின் பந்தில் க்ளீன் போல்டு ஆகிவிடுகிறார்.

அரசியலுக்கு வந்துள்ள ரஜினிகாந்த் முதல் காட்சியிலேயே க்ளீன் போல்டு ஆவது தங்களை அதிர்ச்சி அடைய வைத்திருக்கிறது என்பது ரசிகர்களின் கருத்து. அதுமட்டுமல்ல அவுட் ஆன உடன் சமுத்திரகனியை கூப்பிட்டு 'நோ பால்'பா என்று சொல்ல சொல்வதும் சமுத்திரகனியோ ஒய்டு என சொல்வதும் பொதுமக்கள் அவுட் அவுட் என கத்துவதுமாக காட்சிகள் இடம்பெற்றுள்ளன.

விளையாட்டில் கூட தாக்குப் பிடிக்க முடியாத ரஜினி, முறைகேடாக அவுட் ஆகவே இல்லை என சாதிக்கிறார். இது ரஜினியின் இமேஜுக்கு எதிராக இருப்பதாகவும் ரசிகர்களின் ஒருதரப்பினர் தெரிவிக்கின்றனர்.

படம்: வாட்ஸ்ஆப்

English summary

The Fans are shocking over the Kaala's Rajinikanth entry scene.