தலைவர்கள். திரையுலகினர் அஞ்சலியுடன் பிலிம் நியூஸ் ஆனந்தன் உடல் தகனம்!

By Shankar

Updated: Tuesday, March 22, 2016, 17:02 [IST]

சென்னை: தமிழ் திரையுலகின் முதல் செய்தி தொடர்பாளரான பிலிம் நியூஸ் ஆனந்தன் (வயது 91) உடலுக்கு திமுக பொருளாளர் முக ஸ்டாலின், தேமுதிக தலைவர் விஜயகாந்த், மத்திய அமைச்சர் பொன் ராதாகிருஷ்ணன் ஆகியோர் நேரில் அஞ்சலி செலுத்தினர்.

முதுமை மற்றும் உடல்நலக்குறைவு காரணமாக நேற்று காலமானார் ஆனந்தன். அவரது உடல் பொதுமக்கள் அஞ்சலிக்காக நுங்கம்பாக்கத்தில் உள்ள அவரது வீட்டில் நேற்று முதல் இன்று காலை வரை வைக்கப்பட்டது.

அவரது உடலுக்கு திரைத்துறையினர், அரசியல் தலைவர்கள் மற்றும் பொதுமக்கள் அஞ்சலி செலுத்தினர்.

நேற்று அவரது உடலுக்கு தி.மு.க. பொருளாளர் மு.க.ஸ்டாலின், தே.மு.தி.க. தலைவர் விஜயகாந்த், மத்திய இணை மந்திரி பொன்.ராதாகிருஷ்ணன், சமத்துவ மக்கள் கட்சி தலைவர் சரத்குமார் மற்றும் ராதிகா, வசந்த் குமார், ஆனந்த் ராஜ், சூர்யா, சிவக்குமார், பிரபு, ராம்குமார், பிரபு அண்ணன், உதயநிதி ஸ்டாலின், பார்த்தீபன், எஸ்.ஏ. சந்திரசேகரன், சின்னிஜெயந்த், ஸ்ரீகாந்த், இயக்குநர்கள் அமீர், எஸ்பி ஜனநாதன், தேனாண்டாள் பிலிம்ஸ் முரளி உள்ளிட்ட ஏராளமானோர் அஞ்சலி செலுத்தினர்.

இன்று காலை 10.30 மணிக்கு பிலிம்நியூஸ் ஆனந்தன் உடல் சென்னை நுங்கம்பாக்கத்தில் உள்ள மயானத்தில் தகனம் செய்யப்பட்டது.