ஒபாமாவுடன் கட்டிப்பிடி வைத்தியம், சீன பிரதமருடன் செல்ஃபி: மோடியின் வேர்ல்ட் டூர் ஒரு பிளாஷ்பேக்

சென்னை: நரேந்திர மோடி பிரதமராக பதவியேற்றதில் இருந்து பல்வேறு நாடுகளில் சுற்றுப்பயணம் மேற்கொண்டுள்ளார்.

நரேந்திர மோடி பிரதமராக பதவியேற்றதில் இருந்து அடிக்கடி வெளிநாடுகளில் சுற்றுப்பயணம் மேற்கொண்டு வருகிறார். அவரை என்ன தான் எதிர்கட்சிகளும், மக்களும் கிண்டல் செய்தாலும் அதை எல்லாம் காதில் வாங்காமல் வெளிநாடுகளுக்கு சென்று வருகிறார்.

அவர் செல்லும் இடம் எல்லாம் இந்தியர்களை சந்தித்து பேசி வருகிறார். மோடியின் வெளிநாட்டுப் பயணங்களின் சில மறக்க முடியாத தருணங்கள்,

துபாய்

கடந்த ஆகஸ்ட் மாதம் அமீரகத்திற்கு சென்ற மோடி துபாய்க்கு சென்றபோது அங்கு நடந்த மர்ஹபா நமோ என்ற நிகழ்ச்சியில் கலந்து கொண்டு இந்தியர்கள் மத்தியில் உரையாற்றினார். அந்த நிகழ்ச்சியில் 50 ஆயிரத்திற்கும் மேற்பட்டோர் கலந்து கொண்டனர்.

பாரீஸ்

பாரீஸில் நடந்த பருவநிலை மாற்ற மாநாடு துவக்க விழாவில் கலந்து கொண்டபோது பிரதமர் மோடி பாகிஸ்தான் பிரதமர் நவாஸ் ஷரீபை சந்தித்து பேசினார்.

ஒபாமா

நியூயார்க் நகருக்கு சென்ற இடத்தில் மோடியை அமெரிக்க அதிபர் பாரக் ஒபாமா கட்டித் தழுவி தனது அன்பை வெளிப்படுத்தினார்.

ரஷ்யா

மோடி மூன்று நாட்கள் சுற்றுப்பயணமாக ரஷ்யா சென்றபோது விமான நிலையத்தில் அவருக்கு பாரம்பரிய முறைப்படி வரவேற்பு அளிக்கப்பட்டது.

செல்ஃபி

அண்மையில் சீனா சென்ற மோடி அந்நாட்டு பிரதமர் லீ கெகியாங்குடன் சேர்ந்து பெய்ஜிங்கில் உள்ள கோவிலுக்கு சென்ற இடத்தில் செல்ஃபி எடுத்தார். மோடி வெளிநாடுகளுக்கு செல்வதற்கு மட்டும் அல்ல செல்ஃபி எடுப்பதற்கும் பெயர் போனவர்.

அபுதாபி

அபுதாபிக்கு மோடி சென்றபோது அபுதாபி பட்டத்து இளவரசர் ஷேக் முகமது பின் ஜயித் அல் நஹ்யான் விமான நிலையத்திற்கே வந்து வரவேற்றார். பட்டத்து இளவரசரே விமான நிலையத்திற்கு வந்து தன்னை வரவேற்றதை மோடி பெருமையாக பேசினார் என்பது குறிப்பிடத்தக்கது.

English summary

Keeping criticism on the bay, Prime Minister Narendra Modi travelled to various countries ranging from remote country like Mongolia, island nation Seychelles, Mauritius and world power like US, China, France, Germany and UK.