புதுவை சந்திரகாசு மரணம்.. காரைக்கால் வரலாற்றில் 6 முறை வெற்றி பெற்ற ஒரே தலைவர்!

காரைக்கல் வரலாற்றில் 6 முறை வெற்றி பெற்ற ஒரே வேட்பாளர் என்ற பெருமைக்கு சொந்தக்காரரான புதுச்சேரி முன்னாள் அமைச்சர் சந்திரக்காசு காலமானார்.

புதுச்சேரி: காரைக்கால் மாவட்டத்தில் 6 முறை வென்ற ஒரே வேட்பாளர் என்ற பெருமைக்கு சொந்தக்காரரான புதுச்சேரி முன்னாள் அமைச்சர் சந்திரக்காசு காலமானார். உடல்நலக்குறைவால் மருத்துவமனையில் சிகிச்சைப் பெற்றுவந்த அவர் சிகிச்சைப் பலனின்றி உயிரிழந்தார். அவருக்கு வயது 67.

புதுச்சேரி மாநிலம் காரைக்கால் மாவட்டத்தை சேர்ந்தவர் சந்திரகாசு. இவர் காரைக்கால் மாவட்டம் நெடுங்காடு தொகுதியில் 6 முறை வெற்றி பெற்றுள்ளார். 1980, 1985, 1990, 1991 என 4 முறை காங்கிரஸ் கட்சியில் வெற்றி பெற்றவர்.

1996ம் ஆண்டில் திமுக வேட்பாளர் மாரிமுத்துவிடம் தோற்று போனார். பிறகு 2001ல் மீண்டும் காங்கிரசில் வெற்றி பெற்றார். 2011ம் ஆண்டில் காங்கிரஸ் கட்சியிலிருந்து விலகி என்.ஆர் காங்கிரசில் இணைந்து வெற்றி பெற்றார். மொத்தம் ஆறு முறை வெற்றி பெற்று எம்எல்ஏவாக இருந்துள்ளார்.

காங்கிரஸ் ஆட்சியில் சமூக நல துறை அமைச்சராகவும், என் ஆர் காங்கிரஸ் வேளாண்துறை அமைச்சராகவும் பணியாற்றினார். சந்திரகாசு உடல் நலகுறைவு காரணமாக சென்னையில் உள்ள தனியார் மருத்துவமனையில் சிகிச்சை பெற்று வந்த நிலையில் நேற்றிரவு சிகிச்சை பலனின்றி உயிரிழந்தார்.

மறைந்த முன்னாள் அமைச்சர் சந்திர காசு, தற்போதையை என் ஆர் காங்கிரஸ் சட்டசபை உறுப்பினர் பிரியங்காவின் தந்தை என்பது குறிப்பிடத்தக்கது.

English summary

Former Agriculture Minister of Puducherry M Chandrakasu died of renal failure at a private hospital in Chennai last night. Chandrakasu is survived by wife and a daughter Chandirapriyanga who is now the opposition AINRC legislator in Puducherry Assembly.