மதுரையில் அதிமுக பிரச்சாரக் கூட்ட மேடையில் மயங்கி விழுந்த முன்னாள் எம்.எல்.ஏ.: வீடியோ இதோ

மதுரை: மதுரையில் நடந்த அதிமுக பிரச்சாரக் கூட்டத்தில் கலந்து கொண்ட முன்னாள் எம்.எல்.ஏ. சுந்தர்ராஜன் திடீர் என மயங்கி விழுந்ததால் பரப்பு ஏற்பட்டது.

மதுரை ஒப்புலா படித்துறையில் அமைச்சர் செல்லூர் ராஜு தலைமையில் திங்கட்கிழமை அதிமுக தேர்தல் பிரச்சார பொதுக் கூட்டம் நடைபெற்றது. கூட்டத்தில் முன்னாள் எம்.எல்.ஏ. சுந்தர்ராஜன் கலந்து கொண்டார்.

மேடையில் மைக் பிடித்து பேசிக் கொண்டிருந்த சுந்தர்ராஜன் திடீர் என்று மயங்கி விழுந்தார். கண்கள் திறந்தபடி உணர்ச்சியற்று கிடந்த சுந்தர்ராஜனை அங்கிருந்தவர்கள் சேர்ந்து தூக்கினர். உடனே அவர் அருகில் உள்ள மருத்துவமனை ஒன்றில் அனுமதிக்கப்பட்டார்.

தேமுதிகவில் இருந்து விலகி முதல்வர் ஜெயலலிதா முன்பு அதிமுகவில் சேர்ந்த சுந்தர்ராஜன் மேடையில் மக்கள் முன்பு மயங்கியதால் அங்கு பெரும் பரபரப்பு ஏற்பட்டது.

திங்கட்கிழமை வெளியான அதிமுக வேட்பாளர் பட்டியலில் சுந்தர்ராஜனின் பெயர் இல்லை. சீட் கிடைக்காவிட்டாலும் அவர் அதிமுவுக்கு ஆதரவாக பிரச்சாரம் செய்து வருகிறார் என்பது குறிப்பிடத்தக்கது.

English summary

Former MLA Sundarrajan fainted at a campaign meet by ADMK in Madurai on monday.