எர்ணாகுளம், வேளாங்கண்ணிக்கு சிறப்பு ரயில்: தெற்கு ரயில்வே அறிவிப்பு

சென்னை: சென்னை சென்ட்ரலில் இருந்து எர்ணாகுளம், ஹெளரா, திருநெல்வேலில் இருந்து எழும்பூர், எர்ணாகுளத்தில் இருந்து வேளாங்கண்ணிக்கு சிறப்பு ரயில்கள் இயக்கப்படவுள்ளதாக தெற்கு ரயில்வே அறிவித்துள்ளது.

இது குறித்து வியாழக்கிழமை வெளியிடப்பட்ட செய்திக் குறிப்பு:

சென்னை சென்ட்ரல் - எர்ணாகுளம் சிறப்பு ரயில்

ரயில் எண் 06005: ஏப்ரல் 29-ஆம் தேதி சென்னை சென்ட்ரலில் இருந்து இரவு 10.30 மணிக்குப் புறப்பட்டு, மறுநாள் காலை 10.45 மணிக்கு எர்ணாகுளம் சென்றடையும்.

ரயில் எண் 06006: மே 1-ஆம் தேதி எர்ணாகுளத்தில் இருந்து இரவு 7 மணிக்குப் புறப்பட்டு, மறுநாள் காலை 7.15 மணிக்கு சென்னை சென்ட்ரல் வந்தடையும்.

இந்த ரயில் அரக்கோணம், காட்பாடி, ஜோலார்பேட்டை, சேலம், ஈரோடு, திருப்பூர், கோவை, பாலக்காடு, ஒட்டப்பள்ளம், திருச்சூர், ஆலுவா ரயில் நிலையங்களில் நின்று செல்லும்.

திருநெல்வேலி - சென்னை எழும்பூர் சிறப்பு ரயில்

ரயில் எண் 06002: மே 1-ஆம் தேதி திருநெல்வேலியில் இருந்து பிற்பகல் 2.45 மணிக்குப் புறப்பட்டு, மறுநாள் அதிகாலை 4.15 மணிக்கு சென்னை எழும்பூர் வந்தடையும். இந்த ரயில் வாஞ்சி மணியாச்சி, கோவில்பட்டி, சாத்தூர், விருதுநகர், மதுரை, கொடைக்கானல் சாலை, திண்டுக்கல், திருச்சி, விருதாசலம், விழுப்புரம், செங்கல்பட்டு, தாம்பரம், மாம்பலம் ரயில் நிலையங்களில் நின்று செல்லும்.

சென்னை சென்ட்ரல் - ஹெளரா குளிர்சாதன சிறப்பு ரயில்

ரயில் எண் 00842: ஏப்ரல் 17-ஆம் தேதி சென்னை சென்ட்ரலில் இருந்து மாலை 5.10 மணிக்குப் புறப்பட்டு, மறுநாள் மாலை 6.30 மணிக்கு ஹெளரா சென்றடையும்.

இந்த ரயில் நெல்லூர், விஜயவாடா, ராஜமுந்தரி, துவ்வாடா, விசாகப்பட்டினம், பிரம்மபூர், குர்தா சாலை, புவனேசுவரம், கட்டாக், பாத்ரக், காரக்பூர் ரயில் நிலையங்களில் நின்று செல்லும்.

எர்ணாகுளம் - வேளாங்கண்ணி சிறப்பு ரயில்

ரயில் எண் 06016: ஏப்ரல் 14-ஆம் தேதி எர்ணாகுளத்தில் இருந்து இரவு 8.10 மணிக்குப் புறப்பட்டு, மறுநாள் காலை 9.30 மணிக்கு வேளாங்கண்ணி சென்றடையும்.

ரயில் எண் 06015: ஏப்ரல் 15-ஆம் தேதி வேளாங்கண்ணியில் இருந்து பிற்பகல் 2.20 மணிக்குப் புறப்பட்டு மறுநாள் அதிகாலை 4.15 மணிக்கு எர்ணாகுளம் சென்றடையும்.

இந்த ரயில் ஆலுவா, திருச்சூர், ஒட்டப்பள்ளம், பாலக்காடு, கோவை, திருப்பூர், ஈரோடு, கரூர், திருச்சி, தஞ்சாவூர், திருவாரூர், நாகப்பட்டினம் ரயில் நிலையங்களில் நின்றுச் செல்லும்.

English summary

Four special trains have been announced between Chennai and Ernakulam, Tirunelveli and Chennai, Chennai and Howrah and Ernakulam and Velankanni.