ஃபேஸ்புக்கை கலக்கும் கரிச்சட்டி ஹெல்மெட், பால்சட்டி ஹெல்மெட், மண்பானை ஹெல்மெட்

By Siva

Published: Thursday, July 2, 2015, 13:27 [IST]

Subscribe to Oneindia Tamil

சென்னை: தமிழகத்தில் ஜூலை 1ம் தேதி முதல் 2 சக்கர வாகன ஓட்டிகள் ஹெல்மெட் கட்டாயம் அணிய வேண்டும் என்ற சட்டம் வந்துள்ள நிலையில் ஃபேஸ்புக்கில் சில வினோத ஹெல்மெட் புகைப்படங்கள் வெளியாகியுள்ளன.

2 சக்கர வாகன ஓட்டிகள் விபத்தில் சிக்கினால் தலையில் அடிபட்டு பலியாவது அதிகம். இந்நிலையில் தான் தமிழகத்தில் உள்ள அனைத்து 2 சக்கர வாகன ஓட்டிகளும் ஜூலை 1ம் தேதி முதல் கட்டாயம் ஹெல்மெட் அணிய வேண்டும் என்று உத்தரவிடப்பட்டது. ஹெல்மெட் அணிய சில இடங்களில் எதிர்ப்பு தெரிவித்து மக்கள் போராட்டத்திலும் குதித்தனர்.

இந்நிலையில் ஃபேஸ்புக்கில் வெளியிடப்பட்டுள்ள சில வகை ஹெல்மெட்டுகள் பலரின் கவனத்தையும் ஈர்த்துள்ளது.

கரிச்சட்டி

ஹெல்மெட் விலை ரூ.950 ஆக உள்ளது. அவ்வளவு விலை கொடுத்து வாங்க முடியவில்லை என்று கூறி ஒருவர் கரிச்சட்டியை தலையில் கவிழ்த்தி அதையே ஹெல்மெட்டாக்கிவிட்டார்.

பால்சட்டி

ஹெல்மெட் கட்டாயம் அணிய வேண்டும் என்கிறார்களே இன்னும் ஹெல்மெட் வாங்கலையே என்று ஒருவர் வீட்டில் இருந்த பால்சட்டியை தலையில் கவிழ்த்து

ஹெல்மெட்டாக்கி கொண்டார். எப்பட்டி எல்லாம் யோசிக்கிறாங்கப்பா?

பெண்கள் ஹெல்மெட்

ஜடை போட்டு ஹெல்மெட் அணிந்தால் அசௌகரியமாக உள்ளது என்று புகார் தெரிவிக்கும் பெண்களுக்காக இது. ஹெல்மெட்டில் ஓட்டைப் போட்டு ஜடையை வெளியில் போட்டு செல்கிறார் ஒரு பெண். இது தான்யா சூப்பர் ஹெல்மெட்!