லோக்சபா தேர்தலில் வெற்றி பெறுவோம்: ஜி.கே.வாசன் நம்பிக்கை

சென்னை: நான்கு மாநில தேர்தல் முடிவுகள் ஏமாற்றம் அளிக்கிறது, ஆனாலும் 2014 லோக்சபா தேர்தலில் கண்டிப்பாக வெற்றி பெறுவோம் என மத்திய அமைச்சர் ஜி.கே. வாசன் கூறியுள்ளார்.

டெல்லி செல்வதற்காக இன்று காலை சென்னை விமான நிலையம் வந்த அவர் செய்தியாளர்களிடம் பேசினார் அப்போது அவர் கூறியதாவது:

தேர்தலில் வெற்றி தோல்வி என்பது சகஜம். ஆனாலும் 4 மாநில தேர்தல் முடிவு ஏமாற்றம் அளிக்கிறது.

மத்திய அரசு மக்களுக்கு பல்வேறு நலத்திட்டங்களை கொண்டு வந்துள்ளது. அது மக்களிடத்தில் சென்று சேர்ந்துள்ளதா என்பதை கண்காணிக்க வேண்டும். லோக்சபா தேர்தலில் காங்கிரஸ் வெற்றி பெறும் என்ற நம்பிக்கை உள்ளது.

நடந்து முடிந்த சட்டசபை தேர்தல் பிரசாரம் உள்ளூர் பிரச்சினையை மையமாக வைத்து நடந்துள்ளது. ஆனால் லோக்சபா தேர்தல் தேசிய அளவில் உள்ள பிரச்சினையை மையமாக வைத்து நடைபெறும். அதனால் கட்டாயமாக லோக்சபா தேர்தலில் வெற்றி பெறுவோம் என்றார் ஜி.கே.வாசன்.

English summary

Union minister g k vasan has said that he is disappointed over the asseembly poll results.