ரேஷன் கடைகளில் மலிவு விலை துவரம் பருப்பு விற்க ஜி.கே.வாசன் கோரிக்கை

சென்னை: தமிழகத்தில் மலிவு விலை துவரம் பருப்பை கிராமப்புற ரேஷன் கடைகளிலும் விநியோகம் செய்ய வேண்டும் என்று தமிழ் மாநில காங்கிரஸ் தலைவர் ஜி.கே.வாசன் கோரிக்கை விடுத்துள்ளார்.

தமிழ் மாநில காங்கிரஸ் கட்சியின் சிறுபான்மையினர் அணி நிர்வாகிகள் கூட்டம் சென்னையில் நேற்று நடைபெற்றது. கூட்டத்துக்கு கட்சியின் மாநில தலைவர் ஜி.கே.வாசன் தலைமை தாங்கினார்.

தமிழக அரசு ரூபாய் 110 மலிவு விலை துவரம் பருப்பை எல்லா கிராம நியாயவிலை கடைகளிலும் விநியோகம் செய்ய வேண்டும். தமிழக அரசு டெங்கு காய்ச்சலை ஏற்படுத்தும் "ஏடிஸ்" கொசுக்களை ஒழிக்க போர்க்கால நடவடிக்கை எடுக்க வேண்டும். சீனப்பட்டாசு விற்பனையை தடுத்து நிறுத்த வேண்டும்.

மழையால் பாதிக்கப்பட்ட சாலைகளை உடனடியாக சீரமைக்க வேண்டும். இலங்கை சிறையில் வாடும் தமிழக மீனவர்களையும், அவர்களுடைய படகுகளையும் விடுவிக்க மத்திய, மாநில அரசுகள் நடவடிக்கை எடுக்க வேண்டும் உள்ளிட்ட தீர்மானங்கள் நிறைவேற்றப்பட்டதாக ஜி.கே.வாசன் செய்தியாளர்களிடம் தெரிவித்தார்.

English summary

TN govt will ty to sell low price dal in Ration shops, Tamil manila congress Party Leader G.K.vasan says.