கல்யாணத்தை சாக்கு வைத்து அன்புமணியை சந்தித்த கட்காரி! பாஜக-பாமக கூட்டணி தொடரும் என்கிறார்

சென்னை: பாமக எம்.பி அன்புமணி ராமதாஸ் வீட்டுக்கு சென்று அவரது மகளின் திருமணத்திற்கு வாழ்த்து தெரிவித்தார் மத்திய நெடுஞ்சாலைத்துறை அமைச்சர் நிதின் கட்காரி. தமிழகத்தில் பாமகவுடன், பாஜகவின் கூட்டணி தொடரும் என்றும் கட்காரி தெரிவித்தார்.

அன்புமணி ராமதாஸ் மகள் திருமணத்திற்கு, திமுக உட்பட பல கட்சிகளை சேர்ந்தவர்களுக்கும் திருமண அழைப்பிதழ் அளிக்கப்பட்டிருந்தது. அதேபோல, மத்திய அமைச்சர்களுக்கும் அன்புமணி அழைப்பிதழ் அளித்திருந்தார்.

திருமணத்தன்று தமிழகம் வர முடியாத நிலையில், நேற்று கட்காரி, சென்னைக்கு ஒரு நிகழ்ச்சிக்காக வந்திருந்தார். இதன்பிறகு அன்புமணி வீட்டுக்குச் சென்று அவருடன் ஆலோசனை நடத்தினார். மேலும், அவரது மகளுக்கு திருமண வாழ்த்துக்களையும் தெரிவித்துக்கொண்டார். இதன்பிறகு செய்தியாளர்களிடம் பேசிய கட்காரி, தமிழகத்தில் பாமகவுடனான கூட்டணி தொடரும் என்றார்.

அதே நேரத்தில் சென்னையில் பேட்டியளித்த ராமதாஸோ, அடுத்த சட்டசபை தேர்தலில் பாமக தலைமையிலான ஒரு கூட்டணி களமிறங்கும் என்று அறிவித்தார்.

English summary

Union minister Nitin Gadkari visited Anbumani's residence on Monday and greeted his daughter. Significantly, BJP has been claiming that the existing alliance would continue.