நீங்க ஜி மெயிலா யூஸ் பண்றீங்க.. புது எமோட்டிகான்ஸ் எப்பூடி?

Published: Thursday, July 2, 2015, 10:07 [IST]

Subscribe to Oneindia Tamil

சென்னை: மாற்றம் ஒன்றே மாறாதது என்பார்கள். செட்டிலாகி விட்டோம், அவ்வளவுதான் என்ற எண்ணமே ஒருவரை குழி தோண்டிப் புதைத்து விடும். அவ்வப்போது மாறிக் கொண்டே இருக்க வேண்டும், காலத்திற்கு ஏற்ப.

இது மனிதர்களுக்கு மட்டுமல்ல, தொழில்நுட்பத்திற்கும் சேர்த்து பொருந்தும். பேஜர் மாறாமல் போனதால்தான் செல்போன் வந்து பேஜரைக் காலி செய்தது. அந்தப் பாடத்தின் அடிப்படையில்தான் செல்போனில் இன்று தொடர்ந்து பல மாற்றங்கள், மாறிக் கொண்டே இருக்கிறது.

பேஸ்புக்கைப் பார்த்தால் அதிலும்தான் அவ்வப்போது ஏதாவது மாற்றம். சின்னச் சின்ன நகாசு வேலைகள் நடந்து கொண்டே இருக்கிறது. மாற்றம் பெரிதாக இருக்க வேண்டும் என்பதில்லை. அது பயன்படும் அளவுக்கு இருந்தால் கூட போதும், தொடர்ந்து உயிர்ப்புடன் இருக்க முடியும்.

அப்படித்தான் அதிகம் பேரால் பயன்படுத்தப்படும் ஜி மெயிலிலும் சின்னதாக ஒரு மாற்றம். பலர் கவனித்திருப்பார்கள். பலருக்கு அதில் கண்ணில் பட்டிருக்குமா என்பது தெரியவில்லை.

எமோட்டிகானில் சின்னதாக மாற்றம் செய்துள்ளது ஜிமெயில். பேஸ்புக்கில் பார்த்தது போன்ற ஸ்மைலிகள் உள்ளிட்டவை இந்த புதிய மாற்றத்தில் இடம் பெற்றுள்ளன. முன்பு குறைந்த அளவிலான எமோட்டிகானே இருந்தது. இப்போது நிறைய ஸ்மைலிகள்.

ஆவி இருக்கிறது, பேய் இருக்கிறது, துப்பாக்கி வருகிறது, நாய், பூனை என விதம் விதமான விலங்குகள், வித்தியாசமான பாவனைகள் என அனைவருக்கும் பிடித்த, மனம் கவர்ந்த ஸ்மைலிகள் நிறைய.

ஆனால் முன்பு ஒரு டான்ஸ் ஆடும் பேபி ஸ்மைலி இருந்தது.. அதை இப்போது காணோம்.. அதுதான் பெரும் கவலையாய் இருக்கிறது.. அதேபோல பல பழைய ஸ்மைலிகள், ஜாலியான ஸ்மைலிகளைக் காணவில்லை. அதையும் தவிர்த்திருக்கலாம்!

Published On July 2, 2015