அட இது நல்லாருக்கே.. டைனேசருக்கு பிறந்தநாள் கொண்டாடிய கூகுள்!

கூகுள் நிறுவனம் தனது குரோம் பிரவுசரில் உள்ள டைனேசருக்கு பிறந்த நாள் கொண்டாடி உள்ளது.

சென்னை: கூகுள் நிறுவனம் தனது குரோம் பிரவுசரில் உள்ள டைனேசருக்கு பிறந்த நாள் கொண்டாடி உள்ளது.

ஒரு காலத்தில் பிரவுசர் என்றால் இண்டர்நெட் எக்ஸ்புளோரர் மட்டுமே இருந்தது. அதன்பின் மொஸில்லாபயர் பாக்ஸ் பிரவுசர் வந்தது.

ஆனால் இதற்கு போட்டியாக வந்த குரோம் பிரவுசர் 5 வருடங்களில் உலகின் முன்னணி பிரவுசராக மாறியது. தற்போது குரோம்தான் உலகின் நம்பர் ஒன்னாக உள்ளது.

என்ன டைனேசர்

கூகுள் குரோம் பிரவுசரில், நாம் இணையம் இல்லாத போது சர்ச் செய்தால் "404 நாட் பவுண்ட்" என்று பதில் வரும். அதே சமயத்தில் ஸ்கிரீனில் டைனேசர் ஒன்றும் தோன்றும். அதில் நாம் இணையம் மீண்டும் வரும் வரை ஜாலியாக கவலை மறந்து விளையாடலாம். இந்த டைனேசர் விளையாட்டு உலகம் முழுக்க பிரபலம்.

டைனேசருக்கு பிறந்தநாள் கொண்டாடியது

இந்த நிலையில்தான் கடந்த வாரம், இந்த டைனேசர் வேகமாக செல்லும் போதே, அது பிறந்த நாள் கேக் ஒன்றை பிடிப்பது போல விளையாட்டில் சிறிய மாற்றம் செய்யப்பட்டு இருந்தது. இந்த கேக்கை பிடித்தால், அந்த டைனேசருக்கு தொப்பி ஒன்று அணிவிக்கப்படும். அந்த டைனேசருக்கு பிறந்த நாள் கொண்டாடுவதற்காக இப்படி செய்யப்பட்டுள்ளது என்று கூறப்பட்டுள்ளது.

Here comes a new Easter egg in @googlechrome for 10th birthday of Google's browser: a birthday cake & party hat in 404 page-not-found error message dinosaur game. On display in Chrome in September. Try it out by switching off your network and trying to load a site. pic.twitter.com/fgTgshVspd

— Stephen Shankland (@stshank) September 4, 2018

ஏன் தெரியுமா

கடந்த செப்டம்பர் 2ம் தேதிதான் குரோம் பிரவுசர் பிறந்த நாள் கொண்டாடியது. இது குரோம் பிரவுசரின் 10 வது பிறந்தநாள் ஆகும். கூகுள் குரோம் பிரவுசர் கடந்த 2008ல் தொடங்கப்பட்டது. இதனால் அதே நாளில் அந்த விளையாட்டில் இருக்கும் டைனேசருக்கும் பிறந்த நாள் விழா கொண்டாடி இருக்கிறார்கள்.

Do you think you can beat @laparisa? Turn off your WiFi, open a new tab, press spacebar to start, then spacebar to jump. Share your score with #GoogleChrome https://t.co/YdhTJ4jp8Q

— Google Chrome (@googlechrome) September 4, 2018

கூகுள் வைத்த சேலஞ்ச்

இதை முன்னோட்டமாக வைத்து , குரோம் பிரவுசரில் இந்த விளையாட்டை விளையாட சொல்லி கூகுள் நிறுவனம் போட்டி வைத்துள்ளது. பரிசா டாப்ரிஸ் என்ற பிரபலம் எடுத்திருக்கும் மதிப்பை விட அதிக மதிப்பு எடுக்க முடியுமா என்று சேலஞ்ச் செய்துள்ளது.

English summary

Google Chrome's 404 Not Found Dinosaur celebrates its birthday Google Chrome's 404 Not Found Dinosaur celebrates its birthday with Chrome.