யோகா செய்யும் கூகுள் எழுத்துக்கள் - யோகா குரு பிகேஎஸ் ஐயங்காரின் பிறந்தநாளுக்கு டூடுள்!
சென்னை: யோகக் கலையை உலகம் முழுவதும் பரப்பிய பிரபல யோகா குருவான பி.கே.எஸ் ஐயங்காரின் பிறந்தநாளை டூடுள் போட்டு கொண்டாடி வருகின்றது கூகுள்.
கிருஷ்ணமாச்சாரியாவின் பேர் சொல்லும் சீடராக விளங்கிய பி.கே.எஸ்.ஐயங்கார் என்னும் பெல்லூர் கிருஷ்ணமாச்சார் சுந்தரராஜ ஐயங்கார் இந்திய யோகக் கலையின் அருமையை உலகம் முழுவதும் வெளிப் படுத்தியவர்.
உலகின் பல பகுதிகளிலும் அவரது பெயரில் யோகா கற்பிக்கும் மையங்கள் உருவாகி, யோகக் கலையைப் பரப்பிவருகின்றன.
11வது குழந்தை:
பிகேஎஸ் தன் பெற்றோருக்குப் பிறந்த 13 குழந்தைகளில் 11வதாகப் பிறந்தார். குடும்பத்தை வறுமை வாட்டியது. அவரது ஊரில் கடும் நோய்த் தொற்று பரவியதால் சிறு வயதில் அவருக்கு ஆஸ்துமா, செரிமானக் கோளாறு போன்ற பிரச்சினைகள் ஏற்பட்டன. கை, கால்கள் இயல்புக்கு மீறி மெலிந்திருந்தன.
பலமாக்கிய யோகா:
அவருக்கு 5 வயதானபோது, குடும்பம் பெங்களூருவுக்குக் குடிபெயர்ந்தது. பிகேஎஸ் ஐயங்காரின் நெருங்கிய உறவினரான கிருஷ்ணமாச்சாரியா, அப் போது மைசூர் சமஸ்தானத்தில் யோக குருவாக இருந்தார். அவர் பிகேஎஸ் ஐயங்காரை மைசூருக்கு அழைத்துச் சென்று யோகக் கலையை கற்றுக்கொடுத்தார். யோகம் பயிலும்போதே, பலவீனமான தன் உடல் பலமாவதை உணர்ந்தார்.
யோகம் பரப்பிய ஆசான்:
குருவின் ஆணைப்படி மகாராஷ்டிர மாநிலம் புனேவில் யோகக் கலைப் பயிற்சி மையத்தை 18 வயதில் தொடங்கினார். பதஞ்சலி யோக சூத்திரங்களுக்கான விளக் கங்கள், யோகக் கலையின் மேன்மை, யோகாசனத்தின் ஒளி, பிராணாயாமம் ஆகிய தலைப்பு களில் அவர் எழுதிய நூல்கள் சாமானிய மக்களிடமும் யோகக் கலையைக் கொண்டு சேர்த்தன.
அஞ்சல் தலை கவுரவம்:
கிரிக்கெட் வீரர் சச்சின், இந்தி நடிகை கரினா கபூர் என மொத்தம் 4 தலைமுறைக்கு யோகா ஆசிரியராக இருந்த பெருமைக்கு உரியவர் பிகேஎஸ். பத்மஸ்ரீ, பத்மபூஷண், பத்ம விபூஷண் விருதுகளை பெற்றிருக் கிறார். 2004 ஆம் ஆண்டின் செல் வாக்கு மிகுந்த 100 பேர் பட்டியலில் பிகேஎஸ் ஐயங்கார் பெயரை பிரபல டைம் இதழ் குறிப்பிட்டது. சீன அரசு அஞ்சல் தலை வெளியிட்டு கவுரவித்துள்ளது.
யோகா செய்யும் எழுத்துக்கள்:
இந்நிலையில் அவரது 97வது பிறந்தநாளை முன்னிட்டு கூகுளின் ஒவ்வொரு எழுத்தும் அழகாக யோகா செய்யும் ஒரு மனித உருவமாக மாறும் வகையில் அழகாக வடிவமைத்து கவுரவப் படுத்தியுள்ளது கூகுள்.
Click it and Unblock the Notifications
Sign in with Google