எனக்குப் பதவி கிடைக்க அண்ணன்தான் முழுக் காரணம்... திடீர் தலைவர் குறித்து உருகிய நடிகர்!
சங்கம் கைக்கு வர தமக்கு ரொம்பவே துணையாக இருந்தது திடீர் தலைவர்தான் என பெற்றோரிடம் பொறுப்பு நடிகர் உருகியிருக்கிறாராம்.
சென்னை: சங்க பொறுப்பு தமக்கு கிடைக்க திடீர் தலைவராகிய அண்ணன்தான் காரணம் என தமது குடும்பத்தினரிடம் நடிகர் ரொம்பவே உருகினாராம்.
தமிழக அரசியலில் இப்படியெல்லாம் கூட சந்திப்புகள் நடக்குமோ? என்கிற அளவுக்கு எல்லாமும் தலைகீழாக நடந்து வருகிறது. திமுகவும் அதிமுகவும் இணைந்து கூட்டணி ஆட்சி அமைக்கலாம் என்றெல்லாம் பதிவிடப்பட்டும் வருகிறது.
பொறுப்பு நடிகர்
இந்த நிலையில் திடீர் தலைவர் சங்கத்தின் பொறுப்பு நடிகர் வீட்டுக்கு சென்றார். அப்போது திடீர் தலைவர் குறித்து பெற்றோரிடம் ரொம்பவே புகழ்ந்து தள்ளினாராம் சங்க பொறுப்பு நடிகர்.
எல்லாமே அண்ணன்...
அதுவும் குறிப்பாக 'சங்கம்' கைக்கு வருவதில் அண்ணன்தான் ரொம்பவே துணையாக இருந்தார்.. அண்ணன் இல்லைன்னா நிச்சயம் நடந்திருக்காது என்றும் கூறினாராம். சங்க பிரச்சனையின் போது இந்த திடீர் தலைவர் சைலண்ட் மோடில் இருந்தவராச்சே என விசாரித்தால் கதை வேறு பக்கம் நீள்கிறது.
சின்னாயி அசைன்மெண்ட்?
சங்கத்தில் இருந்து நாட்டாமையை துரத்திவிட சின்னாயி கையில் எடுத்த துருப்புச் சீட்டுதான் சங்க பொறுப்பு நடிகராம்... இந்த அசைன்மெண்ட்டில் முக்கிய பங்கு வகித்தது திடீர் தலைவரும், மாஜி எம்பியும்தானாம்.
மாஜி எம்.பி.
அப்போது சங்க பொறுப்பு நடிகருக்கு பக்க பலமாக இருந்தார் அந்த மாஜி எம்.பி.. ஆனால் பின்னர் அவர் எதிர்முகாமுக்கு போய்விட்டார். இதை மனதில் வைத்துதான், அண்ணன் இல்லையென்றால் சங்கம் கைக்கு வந்திருக்காது என நெகிழ்ந்தாராம் பொறுப்பு நடிகர்.
Click it and Unblock the Notifications
Sign in with Google