அதிமுகவின் பிரசார 'பீரங்கி'யின் பலம் கூடியது.. கட்சியில் சேர்ந்தார் 'குண்டு' ஆர்த்தி!

Updated: Friday, March 28, 2014, 14:32 [IST]

சென்னை: தமிழக முதல்வரும், அதிமுக பொதுச் செயலாளருமான ஜெயலலிதா முன்னிலையில் நடிகை குண்டு ஆர்த்தி அதிமுகவில் இணைந்தார்.

ஏற்கனவே பல காமெடி நடிகர்கள், நடிகைகள், குணச்சித்திர நடிக நடிகையர், வில்லன் நடிகர்கள், ஹீரோ, ஹீரோயின்கள் இடம் பெற்றுள்ள நிலையில் தற்போது புதிய வரவாக குண்டு ஆர்த்தியும் அதிமுகவுக்கு வந்துள்ளார்.

முதல்வர் முன்னிலையில் ஆர்த்தி தற்போது அதிமுகவில் இணைந்து அடிப்படை உறுப்பினராக சேர்ந்துள்ளார்.

சிங்கமுத்து- செந்தில்

அதிமுகவில் ஏற்கனவே சிங்கமுத்து, செந்தில் போன்ற காமெடியன்கள் பலர் இடம் பெற்றுள்ளனர்.

ஊர் ஊராகப் பிரசாரம்

இவர்கள் ஊர் ஊராகப் போய் பிரசாரம் செய்து முழங்கி வருகிறார்கள்.

பொன்னம்பலம் - விந்தியா

இதேபோல வில்லன் நடிகர் பொன்னம்பலம், முன்னாள் நாயகி விந்தியா உள்ளிட்டோரும் வீதி வீதியாகப் பிரசாரம் செய்து வருகின்றனர்.

மறுபக்கம் ராமராஜன்

அதேபோல முன்னாள் ஹீரோவும், முன்பு ஒருமுறை அதிமுகவின் எம்.பியாக இருந்தவருமான ராமராஜனும் ஊர் ஊராகப் போய் கலர்கலராகப் பேசி வருகிறார்.

அதிமுகவுக்கு வந்த ஆர்த்தி

இந்த நிலையில் பிரபலமான டிவி நடிகையும், சினிமா காமெடி நடிகையுமான ஆர்த்தியும் அதிமுகவுக்கு வந்துள்ளார்.

பிரசாரத்தில் குதிப்பாரா

பல படங்களில் காமெடி வேடத்தில் நடித்து வருபவர் ஆர்த்தி. டிவி நடிகரும், சினிமா நடிகருமான கணேஷ்கரை மணந்து இருவரும் இணைந்து நிகழ்ச்சிகளையும் நடத்தி வருகின்றனர். இந்த நிலையில் அதிமுகவில் இணைந்துள்ள ஆர்த்தி பிரசாரத்திலும் குதிப்பார் என்று தெரிகிறது.