மோடி- ஜெயலலிதா சந்திப்பு பற்றி விமர்சனம்.. ஈவிகேஎஸ். இளங்கோவன், ப.சிதம்பரத்திற்கு ஹெச்.ராஜா கண்டனம்

Published: Tuesday, August 11, 2015, 22:18 [IST]

Subscribe to Oneindia Tamil

காரைக்குடி : பிரதமர் நரேந்திர மோடி முதலமைச்சர் ஜெயலலிதாவை அவரது இல்லத்தில் சென்று சந்தித்தது குறித்து விமர்சனம் செய்த தமிழ்நாடு காங்கிரஸ் கமிட்டித் தலைவர் ஈ.வி.கே.எஸ்.இளங்கோவன் மற்றும், முன்னாள் மத்திய அமைச்சர். ப.சிதம்பரம் ஆகியோருக்கு பாஜக தேசியச் செயலாளர் ஹெச்.ராஜா கடும் கண்டனம் தெரிவித்துள்ளார்.

காரைக்குடியில் செய்தியாளர்களிடம் பேசிய ஹெச்.ராஜா கூறியதாவது...

பிரதமர் மோடி, முதல்வர் ஜெயலலிதா சந்திப்பு குறித்து விமர்சித்து வரும் தமிழக காங்கிரஸ் தலைவர் இளங்கோவன், முன்னாள் அமைச்சர் சிதம்பரம் ஆகியோருக்கு கண்டனம் தெரிவித்து கொள்கிறேன்.

இளங்கோவன் தனது அநாகரீகமான பேச்சை திரும்ப பெற்றுக்கொள்ள வேண்டும். பிரதமரை, முதல்வர்கள் வரவேற்பது இயற்கையான ஒன்று.

மேற்கு வங்கம், பீகார் சென்ற போது, அந்த மாநில முதல்வர்கள் பிரதமரை வரவேற்றனர். இதுபோல தான் இவர்களது சந்திப்பும் மரியாதை நிமித்தமானது தான். இவ்வாறு ஹெச்.ராஜாகூறினார்.

அண்மையில் சென்னையில் நடைபெற்ற நெசவாளர் தின விழாவில் பங்கேற் பிரதமர் மோடி பின்னர் முதலமைச்சர் ஜெயலலிதாவை அவரது இல்லத்திற்கு நேரில் சந்தித்து பேசினார்.

இது குறித்து ஈ.வி.கே.எஸ்.இளங்கோவன் சர்சைக்குரிய விதத்தில் விமர்சித்ததாக பா.ஜ.க. குற்றம்சாட்டி வருகிறது.

Published On August 11, 2015