தி.நகரில் எச்.ராஜவுக்கு 4வது இடமே கிடைக்கும்... நியூஸ் 7 கருத்துக் கணிப்பு
சென்னை: சென்னை, தியாகராயர் நகர் தொகுதியில் பாஜக சார்பில் போட்டியிடும் எச்.ராஜா 4வது இடத்தையே பிடிக்க வாய்ப்புள்ளதாக நியூஸ் 7- தினமலர் கருத்துக் கணிப்பு தெரிவித்துள்ளது.
நியூஸ் 7- தினமலர் நடத்திய கருத்துக் கணிப்பில் சென்னை மாவட்டம் தி.நகர் தொகுதியில் அதிமுகவுக்கு ஆதரவு இருப்பதாக தெரிவிக்கப்பட்டுள்ளது.
தி.நகர் தொகுதியில் அதிமுகவுக்கு 37.6 சதவீத ஆதரவு காணப்படுவதாக கருத்துக் கணிப்பு கூறுகிறது. திமுகவுக்கு 30.7 சதவீத ஆதரவு கிடைத்துள்ளது. தேமுதிக-ம.ந.கூட்டணிக்கு 9.2 சதவீத ஆதரவு மக்கள் ஆதரவு காணப்படுகிறது. பாஜகவுக்கு 4.5 சதவீத ஆதரவு கிடைத்துள்ளது. இக்கட்சி நான்காவது இடத்திற்குத் தள்ளப்பட்டுள்ளது.
1989-ல் இருந்து தொடர்ந்து தேர்தலில் போட்டியிடும் ராஜா 2001-ல் திமுக கூட்டணியில் தனது சொந்த ஊரான காரைக்குடி தொகுதியில் போட்டியிட்டு எம்எல்ஏ ஆனார். கடந்த 2006 தேர்தலில் சென்னை புறநகர் தொகுதியான ஆலந்தூரில் போட்டியிட்டு தோல்வி அடைந்த அவர், 2-வது முறையாக சென்னை தியாகராய நகர் தொகுதியில் போட்டியிடுகிறார் என்பது குறிப்பிடத்தக்கது.
Click it and Unblock the Notifications
Sign in with Google