மானியத்துக்குத் தேவையில்லாத சூழலை நோக்கி நாடு முன்னேறுகிறது - ஹெச். ராஜா

மானியத்துக்குத் தேவையில்லாத சூழலை நோக்கி நாடு முன்னேறுகிறது என்று பாஜக செய்தி தொடர்பாளர் ஹெச். ராஜா கூறியுள்ளார்.

By Mayura Akilan

Updated: Monday, August 7, 2017, 11:41 [IST]

Subscribe to Oneindia Tamil

சென்னை: கடந்த மூன்றாண்டுகளில் சிலிண்டர் விலை குறைந்துள்ளது. மானியத்துக்குத் தேவையில்லாத சூழலை நோக்கி நாடு நகர்கிறது என்று சமையல் கேஸ் சிலிண்டர் மானியப் பிரச்னை குறித்து பாஜக தேசியச் செயலாளர் ஹெச்.ராஜா தனது டுவிட்டர் பக்கத்தில் பதிவிட்டுள்ளார்.

வீட்டு உபயோகத்துக்கு வழங்கப்பட்டு வரும் சமையல் கேஸ் சிலிண்டருக்கான மானியம் அடுத்தாண்டு மார்ச் மாதத்துக்குள் முழுமையாக ரத்து செய்யப்படும் என்று தகவல் வெளியானது. இதற்கு கடும் எதிர்ப்பு கிளம்பியது.

சமையல் எரிவாயு சிலிண்டர் விலையை மாதந்தோறும் நான்கு ரூபாய் உயர்த்த வேண்டும் என்று எண்ணெய் நிறுவனங்களுக்கு மத்திய அரசு உத்தரவிட்டது. இது, ஏழை நடுத்தர மக்களுக்கு அதிர்ச்சியை ஏற்படுத்தியிருக்கிறது. ஆனால் சமையல் கேஸ் சிலிண்டர் மானியத்தை தற்போது ரத்து செய்யப்போவதில்லை என்று மத்திய அமைச்சர் தெரிவித்தார்.

சமையல் கேஸ் சிலிண்டர்

'சமையல் எரிவாயு மானியம் குறித்து பல்வேறு கருத்துகள் தெரிவிக்கப்பட்டு வருகின்றன. 2014ஆம் ஆண்டு மே மாதம் 1ஆம் தேதி நிலவரப்படி 14.2 கிலோ மானியம் இல்லாத சிலிண்டர் விலை ரூபாய் 1,026 என்று இருந்தது. அதுவே, இன்று 574 ரூபாய். எனவே, 2018-ம் ஆண்டு ஏப்ரலில் மானியம் இல்லாமலே உபயோகிப்பாளர்களுக்கு ரூபாய் 564க்குச் சிலிண்டர் கிடைக்கும் என்று கூறி வருகின்றனர்.

UPA ல் மானிய மில்லாமல் 1026 இன்று மானியமில்லா சிலிண்டர் 533 இதன் பொருள் என்ன. இன்னமும் 6-7 மாதங்களில் 500 கற்கும் கீழ் வந்துவிடும். https://t.co/j18zMgMYU5
— H Raja (@HRajaBJP) August 6, 2017

ஹெச். ராஜா டுவிட்டர்

இது குறித்து தனது டுவிட்டர் பக்கத்தில் பதிவிட்டுள்ள ஹெச். ராஜா, கடந்த காங்கிரஸ் தலைமையிலான ஆட்சியில் மானிய மில்லாமல் 1026 இன்று மானியமில்லா சிலிண்டர் 533 இதன் பொருள் என்ன. இன்னமும் 6-7 மாதங்களில் 500க்கும் கீழ் வந்துவிடும் என்று பதிவிட்டுள்ளார்.

பார்கலாம். 3 ஆண்டில் சிலிண்டருக்கு 493 ரூபாய் குறைந்துள்ளதை பார்த்ததைப்போல் https://t.co/St2jiKW3Ei
— H Raja (@HRajaBJP) August 6, 2017

சிலிண்டர் விலை

கடந்த மூன்று ஆண்டுகளில் சிலிண்டருக்கு ரூபாய் 460 என்ற அளவுக்கு விலை குறைந்துள்ளதுபோல், 2018ஆம் ஆண்டு ஏப்ரலுக்குள் இந்த 564 ரூபாயும் இன்னமும் குறையும் என்று எதிர்பார்க்கலாம். எனவே, மானியத்துக்குத் தேவையில்லாத சூழலை நோக்கி நாடு நகர்ந்துகொண்டுள்ளது என்பதே உண்மை என்று ஹெச் ராஜா பதிவிட்டுள்ளார்.

இப்படி வெட்கமில்லாமல் பேச பாஜகவினரால் குறிப்பாக @HRajaBJP ல் மட்டும்தான் முடியும். எதன் அடிப்படையில் இதை சொல்கிறார் எலும்பு நிபுனி?
— Prabhu (@princepresidncy) August 6, 2017

வெட்கமில்லையா

ராஜாவின் பதிவிற்கு பதிலிட்டுள்ள ஒருவர், இப்படி வெட்கமில்லாமல் பேச பாஜகவினரால் குறிப்பாக ஹெச். ராஜாவினால் மட்டும்தான் முடியும். எதன் அடிப்படையில் இதை சொல்கிறார் எலும்பு நிபுனி? என்று ஒருவர் பதிவிட்டார்.