ஹைகோர்ட்டாவது... நீதிமன்றங்களை மோசமான வார்த்தையில் திட்டிய எச்.ராஜா.. அதிர்ச்சி வீடியோ!

நீதிமன்றங்களை மோசமான வார்த்தைகளில் எச்.ராஜா திட்டும் வீடியோ இணையம் முழுக்க வைரலாகி உள்ளது.

Updated: Sunday, September 16, 2018, 10:09 [IST]

Subscribe to Oneindia Tamil

சென்னை: நீதிமன்றங்களை மோசமான வார்த்தைகளில் எச்.ராஜா திட்டும் வீடியோ இணையம் முழுக்க வைரலாகி உள்ளது.

தற்போது இந்தியா முழுக்க பல இடங்களில் விநாயகர் சதுர்த்தி ஊர்வலம் நடந்து வருகிறது. பொதுவாக தமிழகத்தில் விநாயகர் சதுர்த்தி ஊர்வலம் அமைதியாக நடந்து முடிவதே வழக்கம்.

ஆனால் இந்த முறை திருநெல்வேலி மாவட்டம் செங்கோட்டையில் சில இடங்களில் சிறிய சிறிய கலவரம் ஏற்பட்டது. இந்த நிலையில் விநாயகர் சதுர்த்தி ஊர்வலம் ஒன்றில் பாஜக தேசிய செயலாளர் எச்.ராஜா பேசிய வீடியோ வைரலாகி உள்ளது.

என்ன பிரச்சனை

தமிழகத்தில் விநாயகர் சதுர்த்தி ஊர்வலத்தில் கலவரம் ஏற்பட கூடாது என்று பெரிய பாதுகாப்பு போடப்பட்டு இருக்கிறது. தமிழக போலீசும் நிறைய கட்டுப்பாடுகள் விதித்துள்ளது. இந்த நிலையில் புதுக்கோட்டை மாவட்டம் மெய்யபுரம் அருகே உள்ள பள்ளிவாசல் பகுதியில் விநாயகர் சிலை ஊர்வலம் மேடை அமைக்க பாஜக அனுமதி கேட்டு இருக்கிறது. மேடை அமைக்க ஏற்பாடுகளும் செய்யப்பட்டுள்ளது.

அனுமதி இல்லை

ஆனால் பள்ளிவாசல் பகுதியில் விநாயகர் சிலை ஊர்வலம் மேடை அமைப்பது சரியாக இருக்காது என்று போலீஸ் மறுத்துள்ளது. இது கலவரத்திற்கு வழிவகுக்கும் என்று போலீஸ் அந்த இடத்திற்கு அனுமதி அளிக்க மறுத்துள்ளது. இது பாஜகவினர் இடையே அதிருப்தியை ஏற்படுத்தி உள்ளது.

சிறப்பு விருந்தினர்

இந்த நிகழ்ச்சிக்கு பாஜக தேசிய செயலாளர் எச்.ராஜா சிறப்பு விருந்தினராக அழைக்கப்பட்டு இருந்தார். ஆனால் கடைசியில் அனுமதி மறுக்கப்பட்டதால், எச்.ராஜா கோபமாக போலீசுடன் வாக்குவாதம் செய்தார். போலீசையும், நீதிமன்றத்தையும் கொச்சையான வார்த்தைகளில் திட்டினார். நீதிமன்றம் குறித்து அவர் கொச்சையாக பேசியது எல்லோருக்கும் அதிர்ச்சி அளித்தது.

வைரல்

இந்த வீடியோ இணையம் முழுக்க வைரலாகி உள்ளது. பலர் இந்த வீடியோவிற்கு எதிராக கருத்து தெரிவித்துள்ளனர். எப்படி ஒரு அரசியல் தலைவர் நீதிமன்றத்தை தகாத வார்த்தைகளில் பேசலாம் என்று கேள்வி எழுப்பி உள்ளனர்.