"ஹேப்பி பர்த்டே ஜானகி அம்மா"... 'சின்னக் குயிலின்' பாச வாழ்த்து!

Updated: Thursday, April 23, 2015, 15:49 [IST]

Subscribe to Oneindia Tamil

சென்னை: கொஞ்சும் குரலழகி எஸ்.ஜானகியின் பிறந்த நாளையொட்டி 'சின்னக் குயில்' சித்ரா அவருக்கு பிறந்த நாள் வாழ்த்து தெரிவித்து வீடியோ செய்தி வெளியிட்டுள்ளார்.

அடி ராக்காயி மூக்காயி ... இந்தப் பாட்டை இன்று பாடச் சொன்னாலும் கூட ஜானகி அதே கொஞ்சும் குரலில்தான் பாடி நம்மை அசத்துவார்.. அந்த கொஞ்சல் குரல்தான் ஜானகியின் அடையாளம்.

பாடல் பாடுவதில் பல சாதனைகளையும், ஆச்சரியங்களையும் நிகழ்த்திய குரல் ஜானகியின் குரல்.

சந்தோஷப் பாட்டாக இருந்தாலும் சரி, உருக்கமான பாடலாக இருந்தாலும் சரி, குழந்தைத்தனமான பாடலாக இருந்தாலும் சரி அசத்தும் அருமையான குரலுக்குச் சொந்தக்காரர் எஸ்.ஜானகி.

ஜானகிக்கு இன்று பிறந்த நாள். இதையொட்டி அவருக்கு இன்னொரு புகழ் பெற்ற பின்னணிப் பாடகியான கே.எஸ்.சித்ரா வாழ்த்து தெரிவித்து தனது பேஸ்புக் பக்கத்தில் ஒரு வீடியோ செய்தி வெளியிட்டுள்ளார்.

ஆங்கிலம் மற்றும் தெலுங்கில் தனது பிறந்த நாள் வாழ்த்தைத் தெரிவித்துள்ளார் சித்ரா.

‘அதில், இனிய பிறந்த நாள் வாழ்த்துகள் ஜானகி அம்மா. நீங்கள் சந்தோஷமாக, ஆரோக்கியமாக, 100 ஆண்டுகளுக்குப் பாடிக் கொண்டே இருக்க வேண்டும்.. உங்களுக்காக நாங்கள் அனைவரும் பிரார்த்திக்கிறோம்.. ஹேப்பி பர்த்டே' என்று சிரித்தபடி வாழ்த்தியுள்ளார் சித்ரா.