ஹைகோர்ட் உத்தரவு எதிரொலி: சென்னை இன்ஜினியரிங் கல்லூரியில் அழகி போட்டி ரத்து
சென்னை: கிண்டி அண்ணா பல்கலைக்கழக வளாகத்தில் கிண்டி இன்ஜினியரிங் கல்லூரி உள்ளது. இந்த கல்லூரியில் ஆண்டுதோறும் டெக்கோ பெஸ் என்ற பெயரில் கலாசார விழா நடத்தப்படுகிறது. இந்த வருடம் டெக்கோ பெஸ் விழா இன்று தொடங்கி 15ம் தேதி வரை நடக்கிறது.
14ம் தேதி மாணவிகளுக்கு அழகி போட்டி நடத்த திட்டமிடப்பட்டு இருந்தது. அதற்கான ஏற்பாடுகளும் நடத்தப்பட்டன. இந்த நிலையில்தான் கடந்த வாரம், ஹைகோர்ட் அழகி போட்டி தொடர்பாக ஒரு உத்தரவு பிறப்பித்தது.
அதாவது, எந்த ஒரு கல்லூரிகளிலும் அழகி போட்டி நடத்தக்கூடாது என்று சென்னை ஹைகோர்ட்டு உத்தரவிட்டது. படிப்புக்கும் மேடை மீது ஒய்யாரமாக நடந்து செல்வதற்கும் ஏதாவது சம்மந்தம் உள்ளதா என்றும் கோர்ட் கேள்வி எழுப்பியிருந்தது.
இந்த உத்தரவை தொடர்ந்து டெக்கோ பெஸ் விழாவில் 14ம் தேதி நடத்த இருந்த அழகி போட்டி ரத்து செய்யப்பட்டுள்ளது. இந்த தகவலை கிண்டி இன்ஜினியரிங் கல்லூரி அதிகாரி தெரிவித்தார்.
Click it and Unblock the Notifications
Sign in with Google