பிறப்பிலேயே அவர் அப்படித்தான்.. விடாது போராடும் கருணாநிதி.. ஆச்சர்யத்தில் மருத்துவர்கள்!

திமுக தலைவர் கருணாநிதி தொடர்ந்து தனது உடல் குறைபாடுகளுடன் போராடி வருகிறார்.

சென்னை: திமுக தலைவர் கருணாநிதி தொடர்ந்து தனது உடல் குறைபாடுகளுடன் போராடி வருகிறார்.

திமுக தலைவர் கருணாநிதி தற்போது மிக முக்கியமான உடல் கட்டத்தில் இருக்கிறார். அவரது உடல்நிலை நிமிடத்திற்க்கு நிமிடம் நலிவடைந்து கொண்டே இருக்கிறது.

95 வயதிலும் அவர் மிக தீவிரமாக போராடி வருகிறார். அவரது உடல்நிலையில் எப்போது வேண்டுமானாலும் என்ன வேண்டுமானாலும் நடக்கலாம் என்பதால் அவரை தீவிரமாக மருத்துவர்கள் கண்காணித்து வருகிறார்கள்.

மோசமானது

கருணாநிதியின் உடல்நிலை கடந்த 15 நாட்களுக்கு முன்பு மிகவும் மோசமானது. அப்போது அவரது தொண்டையில் டிரகியாஸ்டமி குழாய் மாற்றப்பட்டு இருந்ததால் உடல்நிலையில் பிரச்சனை ஏற்பட்டது. ஆனால் அவருக்கு அளிக்கப்பட்ட சிகிச்சையால் உடனடியாக அவரது உடல்நிலை சரியானது.

பிரச்சனை

இந்த நிலையில் கடந்த வாரம் மீண்டும் இரண்டு முறை அவரது உடலில் பிரச்சனை ஏற்பட்டது. இந்த முறை சிறுநீரக நோய் தொற்று மட்டுமில்லாமல், சுவாச பிரச்சனையும் ரத்த அழுத்தமும் ஏற்பட்டது. இந்த ரத்த அழுத்தம் தான் அவரது உடலை மிகவும் மோசமாக்கியது. ஆனால் திமுக தலைவர் கருணாநிதி அதில் இருந்து மீண்டும் வந்ததாக கூறப்படுகிறது.

மிகவும் மோசமானது

இந்த நிலையில் சக்கர நாற்காலியில் உட்காரும் அளவிற்கு உடல்நிலை சரியான கருணாநிதி, தற்போது மீண்டும் மோசமான நிலையை அடைந்து இருக்கிறார். இந்த முறை அவருக்கு கல்லீரல் நோய் தொற்றும் கூடுதலாக ஏற்பட்டுள்ளது. இதனால் அவர் உடல்நிலை மொத்தமாக சுணக்கம் ஏற்பட்டு நலிவடைந்து இருக்கிறது.

போராட்டக்காரர்

அவரது உடல்நிலையில் ஏற்படும் மாற்றங்களை வைத்து மருத்துவர்கள் ஆச்சர்யத்தில் இருக்கிறார்கள். அவருக்கு சிறுவயதில் இருந்தே இருக்கும் போராட்ட குணம், இப்போதும் மருத்துவமனையில் தொடர்கிறது. என்ன ஒரு போராட்டக்காரர் அவர் என்று திமுக தொண்டர்கள் மட்டுமில்லாமல், மருத்துவர்களும், மக்களும் வியந்து கொண்டு இருக்கிறார்கள்.

English summary

HE is a Real Fighter, Cauvery Hospital Doctors wonders about DMK head Karunanidhi.