சென்னை, காஞ்சிபுரம் மாவட்டத்தில் பலத்த மழை!

சென்னை: சென்னை, காஞ்சிபுரம் மற்றும் அதன் சுற்று வட்டாரப் பகுதிகளில் நேற்று இரவில் கனமழை பெய்ததால் மக்கள் மகிழ்ச்சியடைந்துள்ளனர்.

தமிழகத்தில் வழக்கமாக ஏப்ரல், மே மாதங்களில் வெயிலின் தாக்கம் அதிகமாக இருக்கும். ஆனால், இந்தாண்டு மார்ச் மாதத்திலேயே வெப்பம் தகித்தது. இதனால் பொதுமக்கள் மிகுந்த சிரமத்திற்கு ஆளாகினர். பகல் நேரங்களில் வீட்டை விட்டு வெளியே வரமுடியாத அளவிற்கு தவித்து வந்தனர்.

இந்நிலையில் சென்னையில் நேற்று லேசான சாரல் மழை பெய்தது. அதேசமயம் இரவு நேரத்தில் பலத்த மழை பெய்தது. கிண்டி, ஆலந்தூர், ஈக்காட்டுத்தாங்கல், கந்தன்சாவடி, சைதாப்பேட்டை, நுங்கம்பாக்கம், வடபழனி, தி.நகர், கீழ்ப்பாக்கம் உள்ளிட்ட இடங்களில் பரவலாக மழை கொட்டியது.

திருவல்லிக்கேணி, ராயப்பேட்டை, பட்டினப்பாக்கம் அதனை சுற்றியுள்ள பகுதிகளில் காற்றுடன் கூடிய மழை பெய்தது.

தாம்பரம், பல்லாவரம், கிண்டி ஆகிய பகுதிகளில் இரவில் நல்ல மழை பெய்தது. அதேபோல் காஞ்சிபுரம் மாவட்டத்தில் இடியுடன் கூடிய கனமழை பெய்தது. மாமல்லபுரம், திருக்கழுங்குன்றம், பம்பல், தாம்பரம், காட்டாங்குளத்தூர், செங்கல்பட்டு, வண்டலூர், பாப்மாமல்லபுரம் பகுதிகளிலும் மழை கொட்டித் தீர்தது.

English summary

Heavy rain hits in Chennai, Kanchipuram district