சென்னைக்கு உதவுங்கள்: நியூயார்க்கில் குரல் கொடுத்த வேர்ல்டு விஷன், பூமிகா டிரஸ்ட்

சென்னை: அமெரிக்காவின் நியூயார்க் நகரில் வெள்ளத்தால் பாதிக்கப்பட்டுள்ள சென்னை மக்களுக்கு உதவி செய்யுமாறு டிஜிட்டல் போஸ்டர் வெளியிடப்பட்டுள்ளது.

கடந்த 1ம் தேதி சென்னையில் வரலாறு காணாத அளவுக்கு பெய்த மழையால் வெள்ளப்பெருக்கு எடுத்தது. இந்நிலையில் தினமும் அவ்வப்போது மழை பெய்து மக்களை மேலும் கவலை அடைய வைத்து வருகிறது. சென்னை இப்படி என்றால் கடலூர் மாவட்டத்தின் நிலைமை படுமோசமாக உள்ளது.

கடலூரில் மழை கொட்டித் தீர்த்து வருவதால் வெள்ளத்தில் இருந்து மீண்டு வர முடியாமல் மக்கள் தவித்து வருகிறார்கள். இந்நிலையில் சென்னை மற்றும் கடலூர் மக்களுக்கு பிற மாவட்டங்கள், மாநிலங்களில் இருந்து நிவாரணப் பொருட்கள் அனுப்பி வைக்கப்படுகிறது.

சென்னை மக்களுக்காக பூமிகா அறக்கட்டளை, வேர்ல்டு விஷன் உள்ளிட்டவை நிதி திரட்டி அனுப்பி வைக்கின்றன. இந்நிலையில் அமெரிக்காவின் நியூயார்க் நகரில் சென்னைக்கு உதவி செய்யக் கோரி பூமிகா அறக்கட்டளையும், வேர்ல்டு விஷனும் டிஜிட்டல் போஸ்டர் போட்டுள்ளது.

Nice to other countries and other states from India helping our #ChennaiFloods and #cuddalore pic.twitter.com/08dIqDAbZG

— Gayathri Raguramm (@gayathriraguram) December 5, 2015

இது குறித்து நடிகை காயத்ரி ரகுராம் ட்விட்டரில் கூறியிருப்பதாவது,

பிற நாடுகள், இந்தியாவின் பிற மாநிலங்களில் இருந்து சென்னை மற்றும் கடலூருக்கு உதவுவது நன்றாக உள்ளது என்று தெரிவித்துள்ளார்.

English summary

Actress Gayathri Raghuram tweeted that, 'Nice to other countries and other states from India helping our #ChennaiFloods and #cuddalore'