கொளுத்துது கொளுத்துது கோடை வெயில் – சேலத்தில் 100 டிகிரியாக பதிவு
சேலம்: தமிழகத்திலேயே சேலத்தில் அதிகபட்சமாக வெள்ளிக்கிழமை 100 டிகிரி ஃபாரன்ஹீட் அளவுக்கு வெப்பம் பதிவாகியுள்ளது.
இதுகுறித்து வானிலை ஆய்வு மைய அதிகாரிகள், "வெள்ளிக்கிழமை காலை 8.30 மணியுடன் முடிவடைந்த கடந்த 24 மணி நேரத்தில், எந்தவொரு மாவட்டத்திலும் குறைந்தளவு கூட மழை பதிவாகவில்லை.
வெள்ளிக்கிழமை அதிகபட்சமாக சேலத்தில் 100 டிகிரி பாரன்ஹீட் வெப்பம் பதிவாகியுள்ளது. அதேபோல தருமபுரியில் 99, கரூர் பரமத்தி வேலூரில் 98 டிகிரி பாரன்ஹீட் வெப்பம் பதிவாகியுள்ளது.
மேலும் வேலூர், திருச்சி, தூத்துக்குடி, மதுரையில் தலா 97 டிகிரி ஃபாரன்ஹீட் வெப்பம் பதிவாகியுள்ளது. பிற மாவட்டங்களைப் பொருத்தமட்டில் பெரும்பாலும் 88 முதல் 91 டிகிரி பாரன்ஹீட் அளவுக்கு வெப்பம் பதிவாகியுள்ளது.
தமிழகம், புதுச்சேரியில் அடுத்து வரும் நாள்களுக்கு, பொதுவாக வறண்ட வானிலையே நிலவும். சென்னையைப் பொருத்தவரை வானம் மேகமூட்டத்துடன் காணப்படும்.
மாநகரின் குறைந்தபட்ச, அதிகபட்ச வெப்பநிலை முறையே 75, 93 டிகிரி பாரன்ஹீட்டாக இருக்கும்" என வானிலை ஆய்வு மைய அதிகாரிகள் தெரிவித்தனர்.
Click it and Unblock the Notifications
Sign in with Google