கருணாநிதி 92: ஃபேஸ்புக், ட்விட்டரில் வாழ்த்தலாம்…

சென்னை: திமுக தலைவர் கருணாநிதியின் 92வது பிறந்தநாளை ஹைடெக் ஆக கொண்டாட திட்டமிடப்பட்டுள்ளது. வயசானாலும் அறிக்கை, பேட்டி என 29 வயது இளைஞரைப்போல உற்சாகமாக செயல்பட்டு வருகிறார் கருணாநிதி.

ஒவ்வொரு ஆண்டும் ஜூன் 3 ஆம் தேதி அவரது பிறந்தநாளை திமுகவினர் திருவிழா போல கொண்டாடுவார்கள். இந்த ஆண்டு ஹைடெக் ஆக கொண்டாட முடிவு செய்து அதற்காக சமூக வலைத்தளங்களில் ஹேஸ்டேக்குகளை உருவாக்கியுள்ளனர்.

திமுகவினர்தான் என்றில்லை யார் வேண்டும் என்றாலும் கருணாநிதிக்கு வாழ்த்து கூறலாம் அவரே பதிலளிப்பாராம்.

92 வயது இளைஞர்

92 வது பிறந்தநாள் கொண்டாடும் கருணாநிதியை திமுகவினர் இளைஞராகவே நினைத்து பலரும் இன்று முதல் வாழ்த்து கூற தொடங்கியுள்ளனர்.

அறிவாலயத்தில் கொண்டாட்டம்

இதுவரை ஆண்டுதோறும் பிறந்தநாள் கொண்டாடுவதும் அவரை சென்னை திமுக தலைமையகத்தில் தொண்டர்கள் கூடி நின்று வாழ்த்துவதும், பரிசு மழை பொழிவதும் வழக்கமான ஒன்றாகும்.

இளைஞர்களை கவர

92வது பிறந்தநாள் கொண்டாட இருக்கும் கருணாநிதி, இளைய சமுதாயத்தினரைக் கவரும் வகையில் இன்றைய தொழில்நுட்பத்தை கையில் எடுத்துள்ளார்.

ஹைடெக் அவதாரம்

இந்த ஆண்டு தனது பிறந்த நாளை ஒட்டி ஹை டெக் அவதாரம் எடுத்துள்ளார் கருணாநிதி. அவரை வாழ்த்த விரும்புவோர் எஸ்எம்எஸ்., மற்றும் சமூக வலைதளங்கள் மூலம் வாழ்த்து தெரிவிக்க சிறப்பு தொழில் நுட்ப வசதி செய்து தரப்பட்டுள்ளது.

எஸ்.எம்.எஸ் வார்த்து

கருணாநிதிக்கு எஸ்எம்எஸ் மூலம் வாழ்த்துச் சொல்ல விரும்புவோர் 54242 என்ற எண்ணுக்கு வாழ்த்து எஸ்எம்எஸ் அனுப்பலாம்.

சமூக வலைத்தளங்கள்

இதேபோல் பேஸ் புக், டுவிட்டர் மற்றும் கூகுள் பிளஸ் போன்ற சமூக வதைளங்கள் மூலம் கருணாநிதிக்கு வாழ்த்து கூற விரும்புவோர் "#Kalaignar92" and '#HBDMK." என்ற ஹேஸ்டேக்குகளில் வாழ்த்துக்களைப் பதிவு செய்யலாம்.மேலும் தமிழிலிலும் இத்தகைய ஹேஸ்டேக்குகள் ஏற்பாடு செய்யப்பட்டுள்ளன.

கருணாநிதி நேரடி பதில்

கருணாநிதியின் இணையதளத்திலும் வாழ்த்துக்களை பதிவு செய்யலாம். இந்த தகவல்களை வெளியிட்டுள்ள திமுக தலைமையகம், பேஸ்புக் மற்றும் டுவிட்டரில் பதிவு செய்யப்படும் இந்த வாழ்த்துகளுக்கு, கருணாநிதியே பதில் அளிப்பார் என்றும் தெரிவித்துள்ளது. பிரதமர் மோடியைப் போல கருணாநிதியும் இனி ஹைடெக் ஆக இளைஞர்களுடன் உரையாட முடிவு செய்துவிட்டார். அதற்கான முன்னோட்டம்தான் இந்த சமூக வலைத்தள பிறந்தநாள் வாழ்த்து என்கின்றனர் விபரம் அறிந்தவர்கள்.

English summary

DMK chief M Karunanidhi will become younger on his 92 birthday. DMK has decided to tap social networking sites like Facebook, Twitter and Google Plus for this purpose. It has created hashtags like "#Kalaignar92" and '#HBDMK." Similar hashtags are available in Tamil.