பெருந்துறை சிப்காட் பேருந்தில் இந்தி பெயர்- கண்டக்டர் சீனிவாசன் சஸ்பென்ட்

பெருந்துறை சிப்காட் பேருந்தில் இந்தி பெயர் பலகை வைத்த கண்டக்டர் சஸ்பென்ட் செய்யப்பட்டார்.

ஈரோடு: பெருந்துறை சிப்காட் பேருந்தில் இந்தி பெயர் பலகை வைத்த கண்டக்டர் சீனிவாசன் சஸ்பென்ட் செய்யப்பட்டுள்ளார்.

பெருந்துறை சிப்காட்டில் இருந்து வார சந்தைக்கு செல்லும் 17-ம் எண் பேருந்தில் வாரந்தோறும் ஞாயிற்றுக்கிழமையன்று இந்தி பெயர் பலகை வைக்கப்பட்டு வந்தது. வடமாநில தொழிலாளர்களுக்காக இந்தியில் பெயர் பலகை வைக்கப்பட்டதாக அதிகாரிகள் கூறினர்.

இதற்கு பொதுமக்கள் மத்தியில் கடும் எதிர்ப்பு எழுந்தது. தமிழகத்தில் இந்தியில் எப்படி பெயர் பலகை வைக்க அனுமதித்தார்கள்? என்கிற கொந்தளிப்பு ஏற்பட்டது.

இதையடுத்து பெருந்துறை சிப்காட் பேருந்தில் இந்தி பெயர் பலகை அகற்றப்பட்டது. அத்துடன் இந்தியில் பெயர் பலகை வைத்த கண்டக்டர் சீனிவாசன் சஸ்பென்ட் செய்யப்பட்டுள்ளார்.

English summary

A Hindi name board remove From Perundurai Bus and one condutor also suspended.