ஆறு மாதங்களில் அறுபதாயிரம் வாக்காளர்கள் வயசுக்கு வந்துட்டாங்களாம்.. இது ஆர்கே நகர் கூத்து! Exclusive
195146 - இது 2016 பொதுதேர்தலின் போது ஆர்கே நகர் தொகுதி வாக்காளர்களின் எண்ணிக்கை. இது இப்போது 262721 ஆக கூடியிருப்பது பெரிய சர்ச்சையை ஏற்படுத்தியிருக்கிறது.
அதாவது 67525 பேர் புதிய வாக்காளர்களாகச் சேர்ந்திருக்கிறார்கள் (சேர்க்கப்பட்டுள்ளதாக புகார்). ஆறு மாதத்தில் இது சாத்தியமா என்பதை தேர்தல் ஆணையம் தான் விசாரிக்க வேண்டும் என்று குரல்கள் எழுகின்றன.
கிட்டத்தட்ட மூன்றில் ஒரு பங்கு வாக்காளர்கள் புதிதாக இணைந்திருக்கிறார்கள். இதற்கு முந்தைய தேர்தல்களின் போதெல்லாம் இந்த அளவுக்கு எண்ணிக்கை கூடவில்லை. இது ஆளுங்கட்சிக்கு சாதகமாகக் கூடப் போகலாம்.
கேட்டால் அடிக்கடி ஆர்கே நகர் தொகுதிக்கு இடைதேர்தல் வருவதால் நிறைய மக்கள் தொகுதி மாறி இங்கே வந்துவிட்டார்கள் என்றுகூட சொல்வார்கள்!
(டிடிவி தினகரன் 50 ஆயிரம் வாக்குகள் வித்தியாசத்தில் வெற்றி பெறுவேன் என்று சொல்லியிருப்பது உங்கள் நினைவுக்கு வந்தால் நாங்கள் பொறுப்பல்ல!)