வீடியோவில் நல்லா இருந்த ஜெயலலிதா திடீர் மரணம் எப்படி?... ஸ்டாலின் கேள்வி
வெற்றிவேல் வெளியிட்டுள்ள வீடியோவில் நன்றாக இருக்கும் ஜெயலலிதா திடீரென மரணமடைந்தது எப்படி என்று மு.க.ஸ்டாலின் சந்தேகம் எழுப்பியுள்ளார்.
சென்னை: வெற்றிவேல் வெளியிட்டுள்ள ஜெயலலிதா சிகிச்சை தொடர்பான வீடியோவில் அவர் நலமாக இருந்த போது திடீரென மரணமடைந்தது எப்படி என்று திமுக செயல் தலைவர் மு.க.ஸ்டாலின் சந்தேகம் எழுப்பியுள்ளார்.
ஜெயலலிதா கடந்த ஆண்டு அப்பல்லோவில் சிகிச்சை பெற்ற வீடியோவை ஓராண்டுக்கு பின்னர் முதல்முறையாக தினகரன் ஆதரவாளர் வெற்றிவேல் வெளியிட்டுள்ளார்.
இதற்கு எடப்பாடி அணியினர் கடும் கண்டனம் தெரிவித்து வருகின்றனர். இந்நிலையில் எதிர்க்கட்சிகளோ இந்த வீடியோவை இப்போது வெளியிடுவதில் உள்நோக்கம் உள்ளது. ஆர்கே நகருக்கு நாளை இடைத்தேர்தல் நடைபெறவுள்ள நிலையில் மக்களை திசை திருப்பவே இந்த முயற்சி என்று கடும் கண்டனங்களை தெரிவித்துள்ளனர்.
இந்நிலையில் இதுகுறித்து மு.க.ஸ்டாலின் கூறுகையில் ஜெயலலிதா அவரது வீடியோவில் நலமாக உள்ள ஜெயலலிதா திடீரென மரணமடைந்தது எப்படி. இந்த வீடியோவை பார்க்கும் அனைவருக்கும் இந்த கேள்வி எழாமல் இல்லை.
மக்கள் மனதில் எழுந்துள்ள சந்தேகங்களுக்கு ஓபிஎஸ் மற்றும் ஈபிஎஸ் விளக்கம் அளித்தே ஆக வேண்டும். சொந்த கட்சி பிரச்சினையை சமாளிக்கவும், மக்களை திசை திருப்பவும் உள்நோக்கத்துடன் இந்த வீடியோ வெளியிடப்பட்டது என்றார் மு.க.ஸ்டாலின்.
Click it and Unblock the Notifications
Sign in with Google