For Quick Alerts
ALLOW NOTIFICATIONS  
For Daily Alerts
Just In
Oneindia App Download

நடிகர் நெப்போலியன் தலைமையில் பாஜகவில் இணைந்த திமுக, காங்கிரஸ் கட்சியினர்

By Shankar
Google Oneindia Tamil News

சென்னை: நடிகரும் முன்னாள் மத்திய அமைச்சருமான நெப்போலியன் முன்னிலையில் நூற்றுக்கும் மேற்பட்ட காங்கிரஸ் மற்றும் திமுகவினர் இன்று பாஜகவில் இணைந்தனர்.

வட சென்னை முன்னாள் மாவட்ட தலைவர் நிர்மலா வெங்கடேசன் தலைமையில் அவர்கள் இணைந்தனர்.

முன்னாள் மத்திய அமைச்சரான நெப்போலியன் கடந்த டிசம்பர் 21-ம் தேதி திமுகவிலிருந்து விலகி, பாஜக தலைவர் அமிதா ஷா முன்னிலையில் பாஜகவில் இணைந்தார்.

Hundreds of Congress and DMK caders joined in BJP

கட்சியில் சேர்ந்த பிறகு, தமிழகத்தில் அக்கட்சியை வலுவாக்கும் நடவடிக்கைகளில் தீவிரமாக இறங்கினார். தனது ரசிகர் மன்றங்களைச் சேர்ந்த அனைத்து நிர்வாகிகளையும் வரவழைத்து, ஆலோசனைக் கூட்டம் நடத்தினார். தன் ரசிகர்கள் அனைவரையும் பாஜகவில் இணைய வைத்தார். அத்துடன் தமிழகம் முழுவதும் ஒரு லட்சம் உறுப்பினர்களை உடனடியாகச் சேர்க்கும் பணியில் தீவிரமாக இறங்கினார்.

ஆயிரக்கணக்கான பிற கட்சித் தொண்டர்கள் நெப்போலியனைச் சந்தித்து பாஜகவில் இணைந்து வருகின்றனர்.

இன்று காங்கிரஸ் கட்சியைச் சேர்ந்த 100-க்கும் அதிகமான பெண் தொண்டர்கள் நெப்போலியன் முன்னிலையில் பாஜகவில் இணைந்தனர். வட சென்னை மாவட்ட காங்கிரஸ் முன்னாள் தலைவரும், இளைஞர் காங்கிரஸ் முன்னாள் இணைச் செயலருமான நிர்மலா வெங்கடேசன் தலைமையில் அவர்கள் இன்று கட்சியில் இணைந்தனர்.

Hundreds of Congress and DMK caders joined in BJP

இவர்களைத் தவிர சென்னை முகப்பேர் 89வது வட்ட திமுக அவைத் தலைவர் ரவிச்சந்திரன் தலைமையில் 25 திமுக தொண்டர்கள் பாஜகவில் தங்களை இணைத்துக் கொண்டனர்.

தமிழ்நாடு காங்கிரஸ் கமிட்டி தலைமை பேச்சாளர் கவிஞர் பூவை ரவி பாரதியும் நெப்போலியன் முன்னிலையில் பாஜகவில் இன்று இணைந்தார்.

இந்த நிகழ்ச்சியின் போது தமிழக பாஜக பொதுச் செயலாளர் மோகன் ராஜுலு, மாநில அமைப்பு சாரா அணி தலைவர் எம்என் ராஜா, வட சென்னை மாவட்டத் தலைவர் ஆர் பிரகா், வட சென்னை மாவட்ட அமைப்புச் செயலாளர் எஸ் செல்வநாதன், ஆர்எஸ்எஸ் அமைப்பைச் சேர்ந்த சங்கர் ஆகியோர் உடனிருந்தனர்.

English summary
Hundreds of Congress and DMK caders have joined in BJP in front of actor and former union minister Nepoleon.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X