ஐ லவ் யூ அப்பா... சரத்குமாரை டுவிட்டரில் வாழ்த்திய ரேயான் - அழுத ராதிகா

சென்னை: சமக தலைவர் சரத்குமார் இன்று தனது 62வது பிறந்தநாளை குடும்பத்தினருடன் கொண்டாடினார். அவரது பிறந்தநாளுக்கு மகள் ரேயான் டுவிட்டரில் வாழ்த்து கூறியுள்ளார். இந்த வாழ்த்தை ரேயானின் தாயார் ராதிகா ரீ டுவிட் செய்துள்ளார். இந்த வாழ்த்தை படிக்கும் போது கண்களில் கண்ணீர் வந்ததாகவும் ராதிகா கூறியுள்ளார்.

ரத்தம் தண்ணீரை விட அடர்த்தியானது என்பார்கள். ஆனால்நம் விஷயத்தில் அது தவறு. நம் இருவருக்கும் ஒரே டிஎன்ஏ இல்லைதான். ஆனால் எந்த வகையிலும் என் மீதான உங்களது பாசம் குறைந்ததில்லை.

Happy Birthday, Appa! ❤️ I love you to the moon and back 😘❤️ @realsarathkumar pic.twitter.com/1MVnnx4kBq

— Rayane Radikaa (@ray2092) July 14, 2016

நானும் அம்மாவும் திக்கு தெரியாமல் தவித்தபோது எங்களது புதிரை நீக்க வந்தவர் நீங்கள். எனது பெற்றோராக நீங்கள் மாறினீர்கள். எனது தந்தையாக மாறினீர்கள். அதன் பிறகு உங்களது பாசம் ஒருபோதும் பி்ன்வாங்கியதே இல்லை.

எனது வாழ்க்கையின் ஒவ்வொரு அடியிலும் நீங்கள் இருந்துள்ளீர்கள். எனக்குப் பாதுகாப்பாக, அக்கறையாக, ஒவ்வொரு விஷயத்திலும் பார்த்து பார்த்து நடந்தீர்கள். எனது முக்கியமான தருணத்தில் எல்லாம் நீங்கள் என்னுடன் இருக்கத் தவறியதில்லை.

எனக்கு சரியான பல்கலைக்கழகத்தை தேர்வு செய்தது முதல் என்னுடைய கல்யாண சேலையை முடிவு செய்தது வரை. எப்போதும் எனக்கு சிறந்த அப்பாவாக இருப்பதற்கு நன்றிகள்.

Tears in my eyes reading this. pic.twitter.com/wIDS5WLyLk

— Radikaa Sarathkumar (@realradikaa) July 14, 2016

எனது வாழ்க்கையில் உங்களுக்கு நன்றி உடையவளாக இருப்பதை விட பெரியது எனக்கு எதுவுமே இல்லை. உங்களது மகள் என்று சொல்வதில் நான் பெருமை அடைகிறேன். அதை விட நீங்கள் எனது தந்தை சொல்வதில் மிகுந்த பூரிப்பும், பெருமையும் அடைகிறேன்.

அந்த நிலவுக்கும் பூமிக்குமாக சொல்கிறேன்.. ஐ லவ்யூ அப்பா.. ஹேப்பி பர்த் டே அப்பா.

English summary

Actor Sarathkumar Today Turns 62. Daughter Rayan wishes via Twitter.