அதிமுகவில் யாரையும் சந்திக்கப்போவதில்லை.. கமல் தடாலடி!
அதிமுகவில் யாரையும் சந்திக்கப்போவதில்லை என நடிகர் கமல்ஹாசன் தெரிவித்துள்ளார்.
Recommended Video
சென்னை: அதிமுகவில் யாரையும் சந்திக்கப்போவதில்லை என நடிகர் கமல்ஹாசன் தெரிவித்துள்ளார்.
நடிகர் கமல்ஹாசனை நாம் தமிழர் கட்சியின் தலைமை ஒருங்கிணைப்பாளர் சீமான் சென்னை ஆழ்வார்பேட்டையில் உள்ள அவரது வீட்டில் சந்தித்தார்.
இதைத்தொடர்ந்து இருவரும் கூட்டாக செய்தியாளர்களை சந்தித்தனர். அப்போது கமலின் அரசியல் பயணம் வெற்றிபெற வாழ்த்த வந்ததாக சீமான் தெரிவித்தார்.
என் கொள்கை தெரியாது
அப்போது இருவரும் அரசியலில் இணைந்து செயல்படுவீர்களா என செய்தியாளர்கள் கேள்வி எழுப்பினர். அதற்கு பதிலளித்த கமல், சீமானுக்கு என்னை தெரியும், எனது சினிமாவை தெரியும், ஆனால் எனது கொள்கை தெரியாது என்றார்.
கேட்பது சரியல்ல
எனது கொள்கை அவருக்கு முழுமையாக தெரியாத நிலையில் இப்போது ஆதரவு பற்றி கேட்பது சரியல்ல என்றும் நடிகர் கமல்ஹாசன் தெரிவித்தார்.
எப்படி சந்திப்பேன்
இதைத்தொடர்ந்து அதிமுக தலைவர்களை சந்திப்பீர்களா என செய்தியாளர்கள் கேள்வி எழுப்பினர் அதற்கு பதிலளித்த கமல் அதிமுக ஆட்சியே சரியில்லை என்கிறேன்; பிறகு எப்படி அவர்களை சந்திப்பேன் என்றார்.
கமல் திட்டவட்டம்
அதிமுக தலைவர்களை சந்திக்கும் திட்டமில்லை என்றும் நடிகர் கமல்ஹாசன் திட்டவட்டமாக தெரிவித்தார். நடிகர் கமல்ஹாசன் திமுக தலைவர் கருணாநிதி, நடிகர் ரஜினிகாந்த் மற்றும் தேமுதிக தலைவர் விஜயகாந்த் உள்ளிட்டோரை சந்தித்து வாழ்த்து பெற்றார் என்பது குறிப்பிடத்தக்கது.
Click it and Unblock the Notifications
Sign in with Google