பஸ் கட்டண உயர்வுக்கு போராட்டம் நடத்துங்க.. சல்யூட் அடிக்கிறேன்.. யாருக்கு யார் சொல்றது தெரியுமா?

எச் ராஜா பஸ் கட்டண உயர்வுக்கு எதிராக போராட்டம் நடத்தினால் அவருக்கு சல்யூட் அடிப்பேன் என நடிகர் விஷால் தெரிவித்துள்ளார்.

சென்னை: எச் ராஜா பஸ் கட்டண உயர்வுக்கு எதிராக போராட்டம் நடத்தினால் அவருக்கு சல்யூட் அடிப்பேன் என நடிகர் விஷால் தெரிவித்துள்ளார்.

நடிகர் விஷால் விவசாயிகள் பிரச்சனை, ஜல்லிக்கட்டு, நீட் தேர்வு, மெர்சல் பட விவகாரம் என அனைத்துப் பிரச்சனைகளுக்கும் குரல் கொடுத்து வந்தார். ஆர்கே நகர் மக்களுக்கு ஏதாவது செய்யவேண்டும் என விரும்புவதாக கூறிய நடிகர் விஷால் இடைத்தேர்தலில் போட்டியிட வேட்பு மனுத்தாக்கல் செய்தார்.

ஆனால் அவரது மனு நிராகரிக்கப்பட்டது. இதைத்தொடர்ந்த அரசியல் அறிவிப்பை வெளியிட்டுள்ள நடிகர்கள் ரஜினிகாந்த மற்றும் கமல்ஹாசனுக்கு ஆதரவு தெரிவித்து வருகிறார்.

மெர்சல் பட விவகாரத்திலேயே நடிகர் விஷாலுக்கும் எச் ராஜாவுக்கும் முட்டிக்கொண்டது. இந்நிலையில் இன்று செய்தியாளர்களிடம் பேசிய நடிகர் விஷால் பஸ் கட்டண உயர்வுக்கு எதிராக பாஜக தேசிய செயலாளர் எச் ராஜா போராட்டம் நடத்தினால் அவருக்கு சல்யூட் அடிப்பேன் எனத் தெரிவித்துள்ளார்.

பேருந்து கட்டண உயர்வுக்கு எதிராக எதிர்க்கட்சியினர் உள்ளிட்டோர் போராடுவது அதிருப்தியால்தான் என்றும் நடிகர் விஷால் தெரிவித்துள்ளார்.

எல்லாம் சரி விஷால்ஜி, நீங்க எப்ப பஸ் கட்டண உயர்வை எதிர்த்துப் போராடப் போறீங்க??

English summary

Actor Vishal says, If H Raja protest against bus fare hike i will salute him. And also he said Opponent parrties and others are protesting due to the disappointment of the bus fare hike.