சிவாஜி சிலையை அகற்றினால் தமிழகத்தில் உள்ள அனைத்து சிலைகளையும் அகற்ற வேண்டும்: பொன்.ராதாகிருஷ்ணன்

சென்னை: சிவாஜி சிலையை அகற்றினால் தமிழகத்தில் உள்ள அனைத்து சிலைகளையும் அகற்ற வேண்டும் என்று பாஜக மாநில தலைவர் பொன். ராதாகிருஷ்ணன் தெரிவித்துள்ளார்.

இது குறித்து அவர் செய்தியாளர்களிடம் கூறுகையில்,

நடிகர் திலகம் சிவாஜி கணேசனின் சிலையை அகற்ற முயற்சி செய்யப்படுகிறது. அந்த சிலையை அங்கு வைத்தால் பொதுமக்களுக்கும், போக்குவரத்துக்கும் இடையூறு ஏற்படுமா என்பதை ஆராய்ந்து இருப்பார்கள். அதன் பிறகே சிலையை வைத்திருப்பார்கள். இந்நிலையில் முன்பு இருந்த அரசு அந்த சிலையை வைத்தது என்பதற்காக அதை அகற்ற முயல்வது கலைத் துறையில் உலக அளவில் புகழ்பெற்ற ஒரு தமிழரை அவமதிப்பதாகும். மேலும் இது தமிழ் சமுதாயம் மற்றும் கலைத் துறையை அவமானப்படுத்தும் செயல் ஆகும்.

சிலை வைப்பதை பாஜக பெருமையாக நினைக்கவில்லை. ஆனால் வைத்துவிட்ட சிலையை எந்த காரணத்திற்காகவும் அகற்றக் கூடாது. சிவாஜி சிலையை அகற்றினால் தமிழகத்தில் உள்ள அனைத்து சிலைகளையும் அகற்ற வேண்டும் என்றார்.

English summary

BJP state president Pon. Radhakrishnan told that if Sivaji Ganesan statue is removed then all the statues in TN should be removed.