இளையராஜாவின் 73ஆவது பிறந்தநாள்... உற்சாகமாகக் கொண்டாடும் ரசிகர்கள்: வீடியோ

இளையராஜாவின் பிறந்தநாளை அவரது ரசிகர்களும் மேஸ்ட்ரோ மியுசிக் நிறுவனமும் உற்சாகமாகக் கொண்டாடி வருகிறது.

சென்னை: அன்னக்கிளி திரைப்படம் மூலம் தமிழ் மண்ணின் இசையை மீட்டுருவாக்கம் செய்த இசையின் ராஜா இளையராஜாவின் பிறந்தநாளை அவரது கோடிக்கணக்கான ரசிகர்களும் மேஸ்ட்ரோ மியுசிக் நிறுவனமும் உற்சாகமாகக் கொண்டாடி வருகிறது.

இசையமைப்பாளர் இளையராஜாவின் 73ஆவது பிறந்தநாளை அவரது ரசிகர்களும் மேஸ்ட்ரோ மியுசிக் நிறுவனமும் இன்று காலையிலிருந்து மிகுந்த சந்தோஷத்துடனும் குதூகலத்துடனும் கொண்டாடி வருகின்றனர்.

தென் தமிழகத்தின் மூலையில் உள்ள பண்ணையபுரம் என்ற சிறு கிராமத்தில் பலரின் உள்ளாங்களைத் தன் இசையால் இன்றளவும் கவர்ந்துகொண்டிருக்கும் ராசையா என்கிற இளையராஜா ஜூன் 3ஆம் நாள், 1943ஆம் ஆண்டு பிறந்தார். கருணாநிதியின் பிறந்தநாள் ஜூன் 3ஆம் தேதி என்பதால் அவர் மீதான பற்றினால் ஜூன் 2ஆம் தேதி கொண்டாடி வருகிறார்.

தன் சுய முயற்சியால் ஆர்மோனியம்,கிடார் ஆகிய இசைக்கருவிகளை இசைப்பதில் நிபுணத்துவம் பெற்றார். 1961 லிருந்து 1968ஆம் ஆண்டு வரை தன் சகோதரகள் பாவலர் வாரதாரஜன், கங்கை அமரன் ஆகியோருடன் நாடு முழுவதும் சுற்றி பல ஆயிரம் கச்சேரிகளைச் செய்து வந்தார்.

காடு மேடு அலைந்து இன்னிசை அளித்து வந்த இளையராஜா,1976ஆம் ஆண்டு அன்னக்கிளி திரைப்படம் மூலம் தமிழ் உலகின் இசை ராஜாவாக உருவெடுத்தார். அதுவரை தமிழகத்தின் வானொலிகளில் இந்தி இசை மட்டுமே கேட்கப்பட்டு வந்த காலத்தை அன்னிக்கிளி திரைப்பட பாடல்கள் மூலம், பட்டிதொட்டியெங்கும் பிரபலமானார். இன்றும் பட்டிதொட்டியெங்கும் ராஜாவின் பாடல்களே ராஜாங்கம் செய்கிறது.

இளையராஜா ஃபேன்ஸ் கிளப் என்ற முகநூல் பக்கம் தொடங்கப்பட்டு அதில் ரசிகர்கள் வாழ்த்து மழையை பொழிந்துகொண்டுள்ளார்கள்.

English summary

Ilayaraja's 73rd birthday celebrated by Mastero music company and his fans today. Politicians and celebrities wishing him.