திமுகவில் இணைந்தார்... "சொல்லுங்கண்ணே சொல்லுங்க" இமான் அண்ணாச்சி!
சென்னை: சன் டிவியில் ஒளிப்பரப்பாகி வருகின்ற "சொல்லுங்கண்ணே சொல்லுங்க" என்ற காமெடி நிகழ்ச்சி மூலம் புகழ்பெற்ற தொகுப்பாளர் இமான் அண்ணாச்சி திமுகவில் இணைந்தார்.
நெல்லை மாவட்டத்தைச் சேர்ந்தவரான இமான் அண்ணாச்சி மக்கள் டிவி மூலம் கொஞ்சம் சேட்டை கொஞ்சம் அரட்டை நிகழ்ச்சி மூலம் பிரபலமானவர். பின்னர் சன் டிவியில் இணைந்தார். இதை நிகழ்ச்சியை சொல்லுங்கண்ணே சொல்லுங்க என்ற பெயரில் நடத்தி வருகிறார். இவர் நடத்தி வரும் இன்னொரு பிரபல நி்கழ்ச்சி குட்டி சுட்டீஸ்.
இன்று சென்னை தேனாம்பேட்டையில் உள்ள அண்ணா அறிவாலயத்தில் தி.மு.க தலைவர் கருணாநிதியை சந்தித்து பேசிய அவர் முறைப்படி கட்சியில் இணைந்தார். அப்போது அவர் கருணாநிதிக்கு சால்வை அணிவித்தார்.
பின்னர் செய்தியாளர்களிடம் பேசிய அவர், "தி.மு.கவில் ஏற்கனவே எனக்கு அதிக ஈடுபாடு உண்டு. அதன் அடிப்படையில் தலைவர் கருணாநிதியை சந்தித்து தி.மு.கவில் முறைப்படி இணைந்து இருக்கிறேன். வருகிற சட்டசபைத் தேர்தலில் எனது பாணியில் தி.மு.கவுக்காக பிரசாரம் செய்வேன். மீண்டும் முதல்வராக கருணாநிதி பதவி ஏற்பார்" என்று தெரிவித்துள்ளார்.
இமான் அண்ணாச்சி சன் மற்றும் ஆதித்யா சேனல்களில் பல்வேறு காமெடி நிகழ்ச்சிகளை தொகுத்து வழங்குவதுடன், புலி, கோலி சோடா உள்ளிட்ட திரைப்படங்களிலும் நடித்துள்ளார் என்பது குறிப்பிடத்தக்கது.
Click it and Unblock the Notifications
Sign in with Google