வைட்டமின் 'ப'.வைக் காணலையே... விரக்தியில் கரூர் திமுகவினர்!

Updated: Monday, May 5, 2014, 14:43 [IST]

Subscribe to Oneindia Tamil

கரூர்: எதிர்பர்த்தபடி வைட்டமின் ப, அதாவது பணம் கைக்கு வராததால் தேர்தல் வேலைகளில் சுணக்கம் காட்டுகிறார்களாம் கரூர் திமுகவினர்.

கரூரில் திமுக சார்பில் முன்னாள் அமைச்சர் சின்னசாமியும், அதிமுக சார்பில் தற்போதைய எம்பியுமான தம்பிதுரையும் சம பலத்துடன் மோதி வருவதால், வெற்றி தோல்வியை கணிப்பதில் கொஞ்சம் சிரம நிலை நீடிக்கிறது.

இந்த நிலையில், தனக்கு தொகுதியில் வரும் கடும் எதிர்ப்புகளை சமாளிக்க தம்பிதுரை வைட்டமின் பா வை நம்புகி்றாராம். இதன் காரணாக, கட்சி நிர்வாகிகளுக்கு தொகுதி செலவுக்கு பணத்தை நீராக வாரி இறைக்கிறாராம்.

மேலும், வரும் தேர்தலில் வாக்களாளர்ளுக்கு தேவையானதை கட்டாயம் பூர்த்தி செய்வேன் என உறுதி அளிப்பதால், வாக்களர்களும் மனம் குளிர்ந்து போய் உள்ளார்களாம்.

ஆனால், ஆளும் கட்சியை எதிர்த்து போட்டியிடுவதால், பெரிய அளவில் கவனிப்பு இருக்கும் என எதிர்பார்த்த திமுக நிர்வாகிகளுக்கு பெரிய ஏமாற்றமே மிஞ்சியுள்ளதாம். திமுக வேட்பாளர் தரப்பில் இருந்து பெரிய அளவில் கவனிப்பு இல்லாததால், கரூர் முக்கிய நிர்வாகிகள் பலர், பக்கத்து தொகுதியான நாமக்கல், பெரம்பலூர் நோக்கி செல்லும் நிலை உள்ளதாம்.

இது குறித்து திமுக முக்கிய நிர்வாகிகள் சிலரிடம் கேட்டால், தம்பிதுரை போல் நமது வேட்பாளர் பெரிய பணக்காரர் அல்ல. மேலும், நிர்வாகிகளுக்கு பணம் கொடுத்து அதுவே தேவையில்லாத பிரச்சனை ஏற்பட்டுவிட்டால் என்ன என்று தான் அமைதியாக உள்ளார். தேர்தல் ஒரு நாள் அன்று கச்சேரியை வைத்துக் கொள்ளோம் என மவுனம் காத்து வருகின்றார் என்கிறனர்.