மணப்பாறையில் தீ விபத்து - நாடக கலைப்பொருள் கடை எரிந்து நாசம் - வீடியோ

மணப்பாறையில் நாடக கலைப் பொருட்கள் கடை தீ விபத்துக்குள்ளானதில் பல லட்சம் மதிப்புள்ள பொருட்கள் எரிந்து நாசம் ஆனது.

மணப்பாறை: மணப்பாறையில் பல லட்சம் மதிப்புள்ள நாடகக் கலைப் பொருட்கள் கடை எரிந்து நாசமானது.

மணப்பாறை கடைவீதியில் ஜெயலட்சுமி என்பவர் நாடக கலைப் பொருட்கள் கடை நடத்தி வருகிறார். இந்தக் கடையில் நாடகத்துக்கு உடை, ஆபரணங்கள் உள்ளிட்ட அனைத்துப் பொருட்களும் கிடைக்கும்.

இந்நிலையில் நேற்று இரவு கடையில் திடீரென தீப்பிடித்து எரிந்தது. அதில் கடையில் இருந்த பல லட்சம் மதிப்புள்ள பொருட்கள் எரிந்து நாசமாகின. இதனால் அதிர்ச்சியடைந்த ஜெயலட்சுமி போலீசாருக்குத் தகவல் கொடுத்தார். இதனிடையே கடை முற்றிலும் எரிந்தநிலையில் தீ அணைக்கப்பட்டது.

இந்த தீ விபத்து குறித்து போலீசார் வழக்குப் பதவி செய்து விசாரணை மேற்கொண்டு வருகின்றனர். தீ விபத்துக்கான காரணம் இதுவரை கண்டுபிடிக்கப்படவில்லை.

English summary

In Manapparai Drama artistic products shop fired and reason for fire accident not identified.