மதுரையில் இருந்து டெல்லிக்கு விமான சேவை இன்று முதல் தொடக்கம்!
மதுரையில் இருந்து டெல்லிக்கு இன்று முதல் இரண்டு விமான சேவையை இண்டிகோ நிறுவனம் அறிமுகம் செய்துள்ளது.
மதுரை: மதுரையில் இருந்து டெல்லிக்கு இரண்டு விமான சேவையை இன்று முதல் இண்டிகோ நிறுவனம் அறிமுகம் செய்துள்ளது. மேலும் டெல்லியில் இருந்து மதுரைக்கு சென்னை மார்க்கமாக இந்த விமானங்கள் இயக்கப்படும் என அந்நிறுவனம் தெரிவித்துள்ளது.
மதுரை விமான சேவை இண்டிகோ நிறுவனத்தின் 37 வது உள்நாட்டு விமான சேவையாகும். நாள்தோறும் 883 விமானங்களை இண்டிகோ நிறுவனம் இயக்குகிறது.
இதில் தற்போது டெல்லி - மதுரை விமான சேவையும் இணைந்துள்ளது. அத்துடன் மதுரை-ஹைதராபாத் விமான சேவை வருகிற மார்ச் 26-ந் தேதி முதல் இயங்க உள்ளது.
இது குறித்து இண்டிகோ நிறுவன இயக்குனர் ஆதித்யா கோஷ் தெரிவிக்கையில், தென்னிந்தியாவில் எங்களது சேவையை விரிவுப்படுத்தும் விதமாக மதுரை சேவையை தொடங்கி உள்ளோம். ஆன்மீகம் , கலாச்சார நகரமாக மதுரை திகழ்கிறது என்றார்.
முன்னதாக இன்று பிற்பகல் மதுரை விமான நிலையம் வந்த புதிய விமானத்தை வாட்டர் சல்யூட் எனப்படும் வரவேற்பு கொடுக்கப்பட்டது. இந்த நிகழ்ச்சியில் மதுரை மாவட்ட ஆட்சியர் வீரராகவ ராவ், விமான நிலைய உயர் அதிகாரிகள் உள்ளிட்டோர் பங்கேற்றனர்.
Click it and Unblock the Notifications
Sign in with Google